Рудный қаласындағы көшелердің бірінде құбыр жарылып, салдарынан көшені су басты, деп хабарлайды Egemen.kz.
«Бүгін Рудныйда сағат 10-дар шамасында Дзержинский-Горький көшесінде суық су клапанында жарылыс болды. Жағдайды қалпына келтіру үшін құрал-жабдықтар жіберілді (К-700). Жарылыс болған нүкте анықталды. Жөндеу жұмыстары сағат 12:00-де аяқталды. Су беру қайта қалпына келді», деп хабарлады энергетика және тұрғын үй-коммуналдық шаруашылық басқармасынан.