Төтенше жағдайлар вице-министрі Бауыржан Сыздықов Үкімет отырысынан кейін су тасқынының алдын алу және зардаптарын жоюға бөлінген 7 млрд теңгенің қайда жұмсалғанын айтты, деп жазады Egemen.kz.
Вице-министр су тасқынына қарсы 7 миллиард теңге бөлінбегенін жеткізді.
«Шын мәнінде су тасқынына қарсы 7 миллиардтан аса қаржы бөлінбеді. Айтылған сумма тек қарастырылды. Осының ара-жігін ажыратқандарыңызды қалаймын. Бүгінгі таңда әкімдіктердің мәліметінше, бұл қаржының бір бөлігі, 3 миллиард теңгеден астам сумма бөлінген. Қаржы ресурстары өздеріңіз көріп отырғандай су тасқынының алдын алуға және онымен күресуге бағытталған», деді Бауыржан Сыздықов.