2025 жылдың наурыз айында мереке және демалыс күндерін қосқанда, ел азаматтарына 14 күн демалыс беріледі, деп хабарлайды Egemen.kz.
Көктемнің алғашқы айында Қазақстанда екі мемлекеттік мереке атап өтіледі: 8 наурыз – Халықаралық әйелдер күні және Наурыз мейрамы.
Биыл 8 наурыз халықаралық әйелдер мерекесі күнтізбеде сенбіге тұс келіп тұр.
Осыған орай мерекелік демалыс дүйсенбіге, яғни 10 наурызға ауыстырылады. Демек, Қазақстан халқы 8,9,10 наурыз қатарынан үш күн демалады.
Ал әз-Наурыз демалысы 21 наурыз, жұма күнінен басталып, 25 наурызды қамтиды. Мерекеден кейінгі жұмыс аптасы 26 наурыздан басталады.