Әлемнің 135 елінде тәжірибеге енген Адам папиллома вирусына қарсы вакцина өзінің тиімділігін дәлелдеген. Әйелдерді жатыр мойны обырынан қорғайтын екпе олардың бала туу қабілетіне әсер етпейді.
Қызылорда облыстық санитариялық-эпидемиологиялық бақылау департаменті басшысының орынбасары Әлия Әбдіқайымованың айтуынша вакцинаны 9-14 жас аралығындағы жасөспірім қыздар арасында қолдану барынша тиімді.
«Бүгінде облыс бойынша 7 241 жасөспірім қыз АПВ екпесін алды, Адам папиллома вирусының 200-ден астам түрі бар. Оның кем дегенде 14-і жоғары онкогенді, шырышты қабаттар арқылы таралып, көп жағдайда жатыр мойны обырын, сондай-ақ басқа да қатерлі ісіктерді тудыруы мүмкін. Оны емдеудің тиімді әдісі – вирусқа қарсы вакцина салдыру екені ғылыми дәлелденген», – дейді ол.
Мамандардың айтуынша вакцина қауіпсіз және құрамында вирус ДНҚ-сы жоқ. Екпе он жылға дейін әсерін жоғалтпайды.
Қызылорда