Бүгін жалпы білім беретін пәндер бойынша 7-8 сынып оқушыларына арналған республикалық олимпиаданың III облыстық кезеңі басталды. Бұл туралы Оқу-ағарту министрлігі хабарлады, деп жазады Egemen.kz.
Олимпиадада аудандық және қалалық кезеңдерден іріктелген 10 758 оқушы жүлдеге таласады.
Бүгін білім бәйгесі жаратылыстану-математикалық бағыттағы пәндер бойынша өтіп жатыр. Ал 30 сәуір күні балалар қоғамдық-гуманитарлық бағыттағы пәндер негізінде білімін сынайды. Осы кезең үздіктері 18-21 мамыр аралығында Астана қаласында өтетін респубикалық олимпиадаға жолдама алады.