АҚШ-тың Огайо штатындағы Толидо қаласында Old West End фестивалі өтетін орынның маңында атыс болған, деп хабарлайды Egemen.kz.
Алдын ала мәліметтер бойынша, атысқа кем дегенде 2 адам қатысқан. Полиция оларды іздестіріп жатыр.
Вашингтонда тағы да атыс болды: Дональд Трамп шұғыл түрде эвакуацияланды
Толидо полициясының хабарлауынша, атыс салдарынан 12 адам жарақат алды, олардың 2-уінің жағдайы ауыр. Зардап шеккендердің көбі шамамен 20 жаста.
Толидо полициясы күдіктілердің бір-біріне оқ атқан болуы мүмкін екенін мәлімдеді.
Айта кетейік, Old West End — Толидо қаласының тарихи ауданында жыл сайын өткізілетін екі күндік фестиваль.
Бұған дейін, АҚШ-та жасөспірімдер арасындағы жанжал атысқа ұласып, салдарынан екі адам көз жұмғаны туралы хабарлаған едік.