Қатар астанасы Дохада үстел теннисінен әлем чемпионаты өтіп жатыр. Жаһан біріншілігінде ел намысын қоғап жатқан Кирилл Герасименко 1/16 финалына жолдама алды, деп жазады Egemen.kz Ұлттық олимпиада комитетіне сілтеме жасап.
Қазақстан құрамасының көшбасшысы жапониялық Хирото Шинозукаға қарсы бақ сынады. Тартысты бәсекеде 4:2 есебі тіркеліп, отандасымыз жеңіске жетті.
Енді Кирилл Герасименко 1/16 финалда Тунис спортшысы Вассим Эссид пен бразилиялық Уго Кальдерано арасындағы ойынның жеңімпазымен кездеседі.