Үкімет қаулысымен Гүлзат Көбенова ғылым және жоғары білім вице-министрі болып тағайындалды. Бұл туралы Үкіметтің баспасөз қызметі хабарлады, деп жазады Egemen.kz.
Гүлзат Көбенова 1978 жылы Ақтөбе облысында дүниеге келген. Қ. Жұбанов атындағы Ақтөбе мемлекеттік университетін және академик Е.А. Бөкетов атындағы Қарағанды мемлекеттік университетін тәмамдаған.
Еңбек жолын 1998 жылы Қ. Жұбанов атындағы Ақтөбе мемлекеттік университетінің тарих кафедрасында оқытушы болып бастаған.
2002–2009 жылдар аралығында Қ. Жұбанов атындағы Ақтөбе мемлекеттік университеті мен Ақтөбе педагогикалық институтында басшылық лауазымдарда қызмет атқарған.
2009–2010 жылдары ҚР Мәдениет және ақпарат министрлігінің Ақпарат және мұрағат комитетінде сарапшы, ақпарат басқармасының басшысы қызметтерін атқарған.
2010–2018 жылдар аралығында ҚР Білім және ғылым министрлігінде түрлі басшылық лауазымдарда жұмыс істеген.