Францияның Од департаментінде соңғы ондаған жылдағы ең ауқымды орман өрті ауыздықталды, деп хабарлайды Egemen.kz.
Аймақтық префектураның ресми мәлімдемесіне сәйкес, қызыл жалын шарпыған аумақтың көлемі 17 мың гектарға жеткен. Өрт сөндірушілер мен құтқару қызметтерінің үйлесімді еңбегінің арқасында өртенген аумақ толығымен бақылауға алынып, өрт толық сөндірілген.Айта кетейік, тілсіз жау 5 тамызда басталып, аптап ыстық, қатты жел мен төмен ылғалдылықтың әсерінен жылдам тараған. Le Parisien дерегінше, оқиға салдарынан бір қарт әйел қаза тауып, тағы тоғыз адам жарақат алған.Францияның ішкі істер министрі Брюно Ретайо бұл апатты 1949 жылдан бергі ең ірі өрт деп атады. Ал Монпелье прокуроры Кристоф Барре жүргізілген сараптама нәтижелері өрттің әдейі ұйымдастырылған болуы ықтималдығын жоққа шығармайтынын жеткізді.