Жалған ақпаратқа қарсы іс-қимыл орталығының жаңа шолуында жарияланымдардағы әдейі енгізілген қателіктердің аудиторияға ықпал ету құралына айналып, шынайы суретті бұрмалайтыны сөз болды, деп хабарлайды Egemen.kz.
Талдауда мұндай «қателердің» көп жағдайда кездейсоқ болмайтыны, керісінше белгілі бір редакциялық саясат мүддесіне сәйкес қолданылатыны айтылған. Олар қоғамдық дискурсты бағыттап, оқырманды нақты деректерден гөрі эмоцияға жетелейді және автордың жеке ұстанымын басқаларға таңуға жағдай жасайды. Мұндай әдіс «Овертон терезесін» пайдалана отырып, қоғамдық көзқарасты қалыптастыруға әсер етеді.Сонымен қатар, орталық мұндай бұрмалаулардың әлеуметтік желілерде жылдам тарап, пікірлер арқылы күшейіп, кейде жеке қақтығыстардың көзіне айналатынын атап өтті.Бұл шығарылымның негізгі мақсаты — журналистерге, сарапшыларға және әлеуметтік желілердің белсенділеріне ақпарат әзірлеу барысында аудиторияға құрметпен қараудың маңыздылығын еске салу.Толық шығарылымды Орталық коммуникациялар қызметінің ресурстарынан көруге болады.