Қызылордада «Құқықтық тәртіп» шарасы барысында заңсыз аң аулағандар қолға түсті, деп хабарлайды Egemen.kz.
Қызылорда облыстық жануарлар дүниесін мемлекеттік қорғау жөніндегі мамандандырылған мекемесінің инспекторы және Шиелі АПб-нің ЖПҚб-нің Табиғат қорғау полиция тобы 13 қыркүйек күні Қызылорда облысы аумағында «Урал» мотокөлігін тоқтатқан.
Тексеру барысында мотокөліктің жүк салғышынан жарық шам, атылған 12 қоян, 1 ұңғылы 16 калибрлі ІІО-да тіркеуінде жоқ аңшы мылтығы тәркіленді. Күдікті ретінде 32 және 37 жастағы аудан тұрғындары ұсталды.
Қазір аталған дерек бойынша сотқа дейінгі тергеп-тексеру әрекеттері жүргізіліп жатыр.
Сараптамалар тағайындалып, оқиғаның мән-жайы анықталу үстінде.