«Guinness World Records» дерегіне сүйенсек, әлемдегі ең үлкен жеке кітап дүкені – Нью-Йорктегі «Barnes & Noble» дүкені болған. Бұл мекеменің жалпы аумағы 14 300 шаршы метрді құраған.
Guinness мәліметінше, бұл дүкеннің ішінде 20,7 километрге созылған кітап сөресі де болыпты. Яғни бір дүкеннің ішінде тұтас бір «кітап көшесі» тұрғандай әсер қалдыратын. Айта кетерлігі, бұл алып дүкен 2014 жылы жабылды. Бірақ рекорд ретінде Гиннестер кітабында дәл осы көрсеткіш аталады.