Алматылық спортшы Камиля Досмалова пара таэквондодан Азия чемпионатының алтын жүлдесін иеленді, деп хабарлайды Egemen.kz
Ұлан-Батырда өткен XI Азия чемпионатында қазақстандық спортшы К44 санатында 57 келіге дейінгі салмақ дәрежесінде топ жарып, чемпион атанды. Финалдық кездесуде ол Иран спортшысын 2:0 есебімен басым түсті.
Камиля Досмалова бұған дейін де Қазақстан құрамасы сапында Паралимпиада ойындары мен Азия Пара ойындары секілді халықаралық ірі жарыстарда ел намысын қорғап жүрген тәжірибелі спортшылардың бірі.