Чехия Еуроодақтан тыс елдермен, соның ішінде энергетикалық ресурстар жеткізуші мемлекеттермен сенімді әрі тұрақты серіктестік тетіктерін қарастырып жатыр. Бұл туралы Чехия премьер-министрі Андрей Бабиш мәлімдеді, деп хабарлайды Egemen.kz.
Премьер-министр ірі бизнес-делегациямен бірге төрт күндік сапармен Әзербайжан, Қазақстан және Өзбекстанға аттанатынын айтты. Делегация құрамында энергетика, көлік, машина жасау және қорғаныс салаларындағы Чехияның ірі 50-ге жуық компаниясының өкілдері бар.
Бабиштің айтуынша, сапар барысында басты назар мұнай мен газ жеткізу бойынша келіссөздерге аударылады. Сонымен қатар бизнес-форумдарға қатысу жоспарланған.
Оңтүстік Корея Қазақстаннан 18 миллион баррель мұнай сатып алады
Бағдарлама аясында Чехия премьер-министрі Астанада Қазақстан Премьер-министрі Олжас Бектеновпен келіссөздер жүргізеді. Сондай-ақ ол ел Президенті Қасым-Жомарт Тоқаевпен кездеседі.