Қытай ғалымдары Аустралияның оңтүстік-батыс жағалауында теңіз жануарларының 10 миллионнан астам қалдығы болуы мүмкін алып теңіз киттерінің зиратын тапты, деп хабарлайды Egemen.kz.
Бұл жаңалықты Қытай Ғылым академиясының Терең теңіздегі ғылым және инженерия институтының профессоры Пэн Сяотоң бастаған зерттеушілер тобы анықтады. Ғалымдар Аустралияның оңтүстік-батыс жағалауында орналасқан Үнді мұхитындағы Диамантина сынығын зерттеген. Бұл шығыңқылар мен ойыстар кешені, олардың ең тереңі теңіз бетінен 7000 метр тереңдікте орналасқан.
Каспий теңізінің жағасынан тағы да итбалық өлекселері табылды
Батискафпен түсу кезінде зерттеушілер 4616-6789 метр тереңдікте киттәрізділердің сүйектері мен басқа да қалдықтарының жүздеген шоғырын анықтады. Ғалымдардың бағалауынша, бұл жарық аумағында 10 миллионнан астам кит қалдығы болуы мүмкін.
Мамандар өлекселердің мұншалықты жиналу себебін теңіз түбінің рельефімен және осы аймақта киттерге арналған қоректік базаның жоғары шоғырлануымен байланыстырады. Кейінгі экспедициялар барысында 480-нен астам қалдық шоғыры зерттеліп, кейбір киттердің теңіз түбінде 5,3 миллион жылдан астам уақыт бұрын жатқанын анықтаған.
Киік өлексесінің Кеңгір суына кесірі жоқ
Бұл аумақ әлемдегі ең ірі «киттер қорымы» болды. Зерттеушілер бұл олжа киттердің эволюциясын, олардың көміртек айналымындағы рөлін және тереңсулы экожүйелер үшін кит қалдықтарының маңызын жақсырақ түсінуге көмектеседі деп үміттенеді.