Кездесу барысында мүмкіндігі шектеулі балаларды әлеуметтік қорғау шарттары мен медициналық көмектің сапасы талқыланды. Осы мәселелер тұрғысынан нормативтік-құқықтық базаны жетілдіру бойынша ұсыныстар да қаралды. ҮЕҰ өкілдері мен ата-аналар балаларды оңалту мәселесіне қатысты шағымданды.
«Аймақтық миссиялар кезінде партияға осы проблема туралы көптеген хабарлама келіп түсті. Бірқатар аймақтарда оңалту орталықтары жоқ, сондықтан балалар өмірлік маңызды оңалту көмегін алмайды», деді Ақмарал Бекмырзаева.
Кездесуге қатысушылар мәселенің өзектілігін растады. Сондай-ақ олар дәрі-дәрмектердің жетіспеуін, медициналық қызмет көрсету проблемалары мен ерекше қажеттіліктері бар балаларға дене шынықтыру орталықтарының жоқтығын атап өтті. Тағы бір маңызды мәселе – аналарға арналған психологиялық көмек жоқ.
«Мүмкіндігі шектеулі баланы босанған анаға перзентханада психологиялық көмек көрсетілуі керек. Психолог әйелді қолдауы, оны ерекше қажеттілігі бар бала тәрбиелеуге дайындауы керек», деп атап өтті А.Бекмырзаева.
Жиынға қатысушылар да өз пікірлерін білдірді. Олардың айтуынша, ешкімнен тегін ештеңе сұрап отырған жоқ. Әйтсе де, олар мемлекет тарапынан көрсетілетін көмек уақтылы және шынайы, сапалы болғанын қалайды.
Ақмарал Бекмұрзаева ADAL партиясы бұл мәселелерді қараусыз қалдырмайтынын және сипатталған проблемалардың нақты шешімдерін табатынын жеткізді.
«Осындай кездесулердің арқасында біз бағдарламамыздың мақсаттарын толықтыруға және нақтылауға мүмкіндік аламыз. Тіпті облыс орталықтарында да жағдай нашар деп айтуға болады. Ал аудандардағы жағдай қандай? Проблемалар өте көп, алдымызда үлкен жұмыс тұр», деді ол.
Бұдан бөлек, ADAL партиясының өкілдері Алматыда қаланың жас кәсіпкерлерімен және стартаптарымен кездесу өткізді. Іс-шараға Мәжіліс депутаттығына кандидаттар Олжас Ордабаев, Алина Асқарова және Нұрлыбек Малелов қатысты.
Партия үміткерлерінің аймақтар тұрғындарымен кездесулері жалғасып жатыр. Алмасбек Садырбаев Алматы облысының Үшарал қаласының тұрғындарымен кездесті. Тараптар субсидиялар мен шаруа қожалықтарын несиелендіру мәселелерін талқылады. Партия өкіліне облыстың кейбір проблемалары, атап айтқанда, аграрлық секторға жердің жетіспеушілігі туралы айтылды. Өз кезегінде Алмасбек Садырбаев фермерлерге партия бұл мәселелерді қалай шешуді жоспарлап отырғанын айтты.
