Аймақтар • 17 Мамыр, 2024

ШҚО-да есірткі тарату арнасы жойылды

50 рет
көрсетілді
1 мин
оқу үшін

Шығыс Қазақстан облысы полицейлері күдіктіден 6 мың дозаны құрайтын мефедрон тәркіледі, деп хабарлайды Egemen.kz Polisia.kz-ке сілтеме жасап.

ШҚО-да есірткі тарату арнасы жойылды

Фото: Polisia.kz

ШҚО полиция департаментінің есірткі қылмысына қарсы күрес басқармасының қызметкерлері еліміздің оңтүстік өңірлерінен ШҚО-ға синтетикалық есірткі тасымалдайтын ірі арнаның жолын кесті.

Тәртіп сақшылары Өскемен – Алматы автожолында Алматы облысының 26 жастағы тұрғынының басқаруындағы Toyota Land Cruiser автокөлігін тоқтатқан. Көлік құралын тінту барысында жедел уәкілдер ақ түсті ұнтақ заты бар 4 полимерлі пакетті тапты, сонымен қатар көліктің багажынан тағы 15 орама табылып, тәркіленді.

Сараптама қорытындысына сәйкес, тәркіленген зат мефедрон болып шықты, жалпы салмағы 1 келі 850 гр, бұл бір реттік 6 мыңнан астам дозаны құрайды. Жауап алу барысында ер адам есірткіні Астана мен Павлодарда таратқанын айтқан. Күдіктіге қатысты есірткі құралдарын, психотроптық заттар мен олардың аналогтарын заңсыз сатып алғаны, сақтағаны, өткізгені үшін қылмыстық іс қозғалды. Қазіргі уақытта ол қамауға алынды. Ер адам мүлкі тәркіленіп, он жылдан он бес жылға дейінгі мерзімге бас бостандығынан айырылуы мүмкін.