Аймақтар • 22 Мамыр, 2024

Құлсарыдағы бейбіт жиналыс аяқталды

52 рет
көрсетілді
1 мин
оқу үшін

Жылыой ауданы әкімдігі Құлсары қаласы тұрғындарына зардап шеккен тұрғын үй үшін өтемақы бойынша жүргізіліп жатқан жұмыстарға түсіністікпен қарағаны үшін ризашылығын білдірді, деп хабарлайды Egemen.kz.

Құлсарыдағы бейбіт жиналыс аяқталды

Фото: Жылыой ауданы әкімдігі

Жылыой ауданы әкімдігінің хабарлауынша алдағы уақытта өте маңызды қалпына келтіру жұмыстары тұр.
Қала алаңы қалыпты өмірге оралды, бейбіт жиналысқа қатысушылардың шатырлары жиналды. Барлық қоғамдық орындар қалыпты режимде жұмыс істеп тұр.
Жылыой ауданы әкімдігі
Қалада зардап шеккен тұрғындарды залалды бағалау нәтижелерімен таныстыру бойынша мобильді топтардың жұмысы жалғастырылып отыр.
Құлсарылықтарға №20 қалалық мектеп базасында және 109 нөмірі бойынша байланыс орталығы арқылы үздіксіз консультативтік қолдау көрсетіліп келеді.
Бағалау нәтижелерімен келіскен қала тұрғындары мен әкімдік арасында шарттарға қол қою жергілікті Мәдениет үйінде жалғасын тауып жатыр.