Жарысқа қатысушылар жеті спорт түрінен (футбол, волейбол, асық ату, тоғызқұмалақ, гір тасын көтеру, қол күресі, үстел теннисі) сайысқа түсті. Сонымен қатар қазақ күресі, көкпар, тай бәйгесі, аламан бәйге секілді ұлттық спорттан жарыс көрігін қыздырды.
Екі күнге созылған спартакиаданың қорытындысында командалық есепте Бидайық ауылдық округінің спортшылары бірінші орын алды. Жүлделі екінші орынды Жаңаарқа кентінің спортшылары иеленсе, үшінші орынды Қараағаш ауылдық округі қанжығасына байлады. Түйе балуан, тай бәйгесі, аламан бәйге жүлдегерлеріне мотоцикл тарту етілді. Жеңімпаз болған барлық спортшы грамота, медаль, кубокпен қатар, қомақты ақшалай сыйлыққа ие болды. Жарыс ережесі бойынша үздік спортшылар мен мықты командалар алдағы уақытта өтетін облыстық спартакиадада аудан намысын
қорғайды.
Ұлытау облысы
