Шараға облыс басшылығы, зиялы қауым өкілдері, қала тұрғындары және жастар қатысты.
Абай – қазақ халқының рухани көшбасшысы, ұлттық сананы қалыптастырған ұлы тұлға. Оның шығармашылық мұрасы – адамзатқа ортақ қазына, ұлт мәдениеті мен әдебиетінің алтын арқауы. Абай туындылары ел бірлігі мен руханиятының берік тірегіне айналды.
«Қазақтың бас ақыны – Абай Құнанбаев. Онан асқан бұрынғы-соңғы заманда қазақ баласында біз білетін ақын болған жоқ», – деп Ахмет Байтұрсынұлы атап өткендей, ұлы есімді ұлықтау – бүгінгі ұрпақтың парызы.
Рәсім барысында ақынның «Нұрлы аспанға тырысып өскенсің сен» өлеңі оқылып, «Көзімнің қарасы» әні орындалды.
Мерейтой аясында облыс көлемінде, қала, аудан және ауылдық елді мекендерде байқаулар, интеллектуалды сайыстар мен түрлі мәдени іс-шаралар ұйымдастырылды.
