фото: Алматы облысы полиция департаменті
Оқиға орнынан түсірілген видео әлеуметтік желілерде тарады. Апаттың Боролдай маңында болғаны хабарланды.
Алматы облысы полиция департаментінің мәліметінше, жол-көлік оқиғасы Алматы — Боралдай — Шамалған тасжолының бойындағы теміржол өткелінде болған. Автобус жүргізушісі әкімшілік жауапкершілікке тартылды.
Ведомствоның алдын ала дерегіне сәйкес, көмір станциясынан келе жатқан пойыз өткелден өтіп бара жатқан кезде автобус жүргізушісі жол бермей, соқтығысқа себеп болған.
Қазіргі уақытта жол апатының барлық мән-жайын анықтау үшін тексеру жүргізіліп жатыр.
