“БИБІ-АНА” ҚОҒАМЫ

ҰЛТТЫҚ ҚОЛӨНЕРДІ ДАМЫТУДЫ ҚОЛҒА АЛДЫ Балалар шығармашылығы үйінде “Бибі-Ана” мүгедек әйелдер респуб­ли­калық қоғамының Пав­ло­дар облыстық филиа­лының ұйым­дас­тыруымен мүмкіндігі шектеулі қыз-келіншектерге арналған семинар өтті. Семинарда алғашқы сөз кезегін алған “Бибі-Ана” мүгедек әйелдер респуб­ликалық қоғамының Пав­ло­дар облыстық филиалының тө­райы­мы Нағима Багирова басты мақ­сат – мүмкіндігі шек­теулі жан­дардың басына түскен қасіретімен өзінің шағын әлемінде шектеліп қалуына жол бермеу, нұрлы болашаққа деген сенім ұялату, пай­далы ісімен шұғылдануына қолдау көрсету, ақыл-кеңес беру екеніне тоқ­талды. Бірлестік мүшелерінің қо­лынан шыққан ұлттық киімдер мен қолөнер бұйым­дарынан әзір­ленген көрме туралы мәлі­мет­тер­мен таныстырған Елена Косте­лец­кая ұлттық қолөнерді қайта жаң­ғырту, бүгінгі заманға сай жасалған бұйымдарға ұлттық өрнектердің элементтерін пайдаланумен қатар, өздігінен білімдерін жетілдіруге, шығармашылық мүмкін­діктерін дамытуға зор мүмкіндік туатынын атап өтті. Семинарға қатысушылар оты­рыс барысында өздерінің көкей­лерінде жүрген ұсыныс-тілектерін ортаға салып, сауалдарына жауап алды. “Бибі-Ана” мүгедек әйелдер рес­пу­б­ликалық қоғамының Пав­ло­дар облыстық филиалында әйелдер мен қыздарға көрпе, қоржын және тағы басқа ұлттық киімдерді тігу бойынша апта сайын сабақтар жүргізіледі. Сондай-ақ, жыл бойы ұлттық киімдер мен бұйымдарды тігуді үйрету мақсатында Ертіс, Ақтоғай, Ақсу, Екібастұз қала­ларында семинарлар өткізу жос­парланған. Семинардың соңында Нағима Багирова ағымдағы жы­л­дың қыркүйек айында Павлодар қаласында ағаш пен киізден, был­ғарыдан, түрлі маталардан жасалған бұйымдардан өтетін көрмеге белсенді қатысуға шақырды. Сыйлық қорында ең таңдаулы жұмыстар үшін “Verіtas” тігін машинасы, тігін құралдарының жиын­тығы мен көптеген тұрмысқа қажетті заттар бар. Ақбота СЕЙСЕНБАЕВА. Павлодар облысы, Ақсу қаласы.