Астанаға әскери қуатты техникалар жеткізілді

АЛМАТЫ. 31 наурыз. Алматыдан эшелонға тиелген арнайы әскери техника Астанаға жеткізілді. Шынжыр табанды жауынгерлік техникалар мен автокөліктер еліміздің бас қаласында Жеңістің 70 жылдығына арналған шеруге қатыстырылады. Бұл туралы BNews.kz хабарлады. Сондай-ақ, техникамен бірге келген жауынгерлік құрам далалық лагерьге жайғасты. Әскери бас комендатураның коменданты полковник Қожабек Төреманов техникаларды тасымалдау мен орналастырудың кәсіби ерекшеліктеріне тоқталап келіп: «Астанаға барлығы 400 әскер техника мен 1000 жауынгер келіп түсті» деді. Іс-қимыл барысында жолаушылар пойызының жүріп-тұруына еш кедергі келтірілмеген. Мұндай ірі әскер тобының орын ауыстыру жауынгерлік жаттығу санатына жатқызылады. Негізгі шараға қатысты полковник Төреманов: «Қанша дегенмен Астанада үлкен мерейтой өткелі тұр. Сол себепті де, бұл шеруде соғыс кезінде халық жеңіс күнін тездеткен атақты «Катюшалар» мен Т-34 танкілеріні нақ өзін де көретін болады» деді. Соғыс жыларындағы әскери техникалар Семей қаласындағы арнайы зауытта қайта жөнделіп шыққан. Кеше түн жамыла Астанаға 300-ге жуық аэроұтқыр күштерінің жауынгерлері келді. Талғат Сүйінбай. Дерек, сурет: BNews.kz.