Кеншілер көңілі көркейе түсті

Астанада өткен «Нұр Отан» партиясының XVIІ съезіне қа­ты­суға Ақсу қаласынан облыс­тың арнайы делегациясы­мен келдік. Көңіл көтеріңкі. Елбасы баяндамасын тыңдап бәріміз де бір серпіліп қалдық. Қандай көп маңызды жайларды жеткізді. Еліміз әлемнің 50 инновациялық дамыған елінің қатарына ен­ді. Бүкіл қазақстандықтар қуа­на­тын жайт қой. Серпіліс деген осы. Тағы бір қуаныш сол, былтыр біздің кен­шіміз Рышат Әміренов Елбасы қолынан «Қазақстанның Еңбек Ері» атағын алған болатын. Мен «Еуразиялық энергетикалық корпорациясы» АҚ бастауыш партия ұйымын басқарамын. Біздің корпорацияда 3205 партия мүшесі бар. Президент «Соңғы алты жылда бізде экономиканың 28 жаңа саласы пайда болды, 890 өндіріс іске қосылды. Бүгін бізде ешқашан өндірілмеген 400 жаңа өнім түрлері өндіріледі» деп атап өтті. Мысалы, біздің Еуразиялық Топтың құрамындағы «Еуразиялық энергетикалық корпорация­сы» АҚ еліміздегі электр энергиясының 17 пайызын, көмірдің 20 пайызын өндіреді. Ақсу электр стансасы, «Восточный» көмір кеніші бар алып кәсіпорында бұл күндері 6222 адам еңбек етуде. Орташа жалақының көлемі – 162288 теңге. Осы съезде сөйлеген сөзінде Елбасы «Қазақстанда жұмыссыздық деген болмауы керек. Бұл үшін барлық мүмкіндіктер бар», дегенінің нақты мысалын біздің кәсіпорын жағдайынан-ақ көруге болады. Біздің кәсіпорынның жетістіктері жайлы да «Егемен Қазақстанда» мақалалар жария­ланып тұрады. Жуырда ғана «Еуразиялық энергетикалық корпорациясы» АҚ электр стансасы 266 миллион теңгеден астам қаржы жұмсап, тепловоз сатып алды. Жаңа технологиялар өндіріске келуде. Стансада 2001 жылдан бері жабдықтарды жаңарту және қайта құру бағдарламасы жүзеге асырылуда. Қазіргі уақытта «ЕЭК» АҚ-та­ғы 8 энергиялық блоктың 5-уі қай­та жаңарудан өтті. Жалпы, пар­тиямыздың кезектен тыс XVIІ съезінің біздің қоғам үшін маңы­зы жоғары. Партиямыз қолға алатын міндеттерге халық сенеді. V шақырылымдағы Ақсу қала­лық мәслихатының депута­ты ретінде қаланың әлеумет­тік саласы және абаттандыру мәсе­лелері­мен айналысамын. Бүгінде «Еу­разиялық энергетикалық корпорациясы» АҚ ел экономикасының дамуына елеу­лі үлес қосуда. Біз өндіріс көлемін ұлғай­туға, мемлекетіміздің тұрақты дамуына бағыт­талған реформаларды қолдаймыз. Сонымен қатар, ұжымымызға әлеуметтік белсенділік те жат емес. Сондықтан, біз, ірі кәсіпорын ретінде, елімізде орын алып жатқан ма­ңызды оқиғалардан тыс қала алмаймыз және облыстық, қалалық мәслихаттар де­путаттығына алты үміткер ұсынып отырмыз. Тек бірлескен күш-жігерімізді біріктіріп қана қазақстандық дәулеттілікке қол жеткізетіндігімізге нық сенімдімін! Мәжіліс депутаттарының кезектен тыс сайлауын өткізу де – қазіргі дағдарыс кезін­дегі дұрыс қадам. Уақыт талабы осындай. Жауапты. Жаңа міндеттердің орында­луы үшін қоғамға серпіліс, жаңарту, жаңғыру жолы керек. Сол үшін де жаңа Мәжіліс жасақ­та­латыны сөзсіз. Ал, партиямызға халық­тан жаңа сенім мандатын алуға мүмкін­дік туып тұр. Татьяна НОСАЧЕВА, «Еуразиялық энергетикалық корпорациясы» АҚ адам ресурстарын басқару және әлеуметтік мәселелер бойынша вице-президенті. Павлодар облысы, Ақсу қаласы.