Бағдарламалар • 01 Қараша, 2021
Отбасы банк «Корпоративті өнім» ипотекалық бағдарламасына серпін берді
Кез келген ұжымнан баспанасыз қызметкерлер табылады. Бұлар – жас мамандар, яки отбасын жаңадан құрған қызметкерлер мен әрқилы себептермен үйлі болуды кешеуілдеткендер. Мемлекеттік құрылымдарда жұмыс істейтіндердің жайы белгілі, түрлі жеңілдіктермен, мемлекеттік бағдарламалармен тұрғын үй несиелерін алуға жол тауып жатыр. Ал жекеменшік сектор мен бюджеттік емес мекемелерден несібесін тауып отырғандардың баспана мәселесі қалай шешіледі?
Өнер • 28 Қазан, 2021
Циркте қайта естілген күлкілер күмбірі
Жаһандық пандемия әсіресе, цирк жанрына қызмет ететін өнерпаздарға оңайға тиген жоқ. Осы бір күрделі кезеңде сахна салтанаты мен кішкентай көрермендердің қошеметіне бөленіп келген жануарлар да тыншу тапқандай болғанымен, Қазақ мемлекеттік циркі қарап жатпай, оқшауланып, жаңа нөмірлерін дайындап жатқан еді.
Медицина • 27 Қазан, 2021
Денсаулықты күтуге дағдыланбағанымызды көрсетті
«Өмірде ерлерге қарағанда, әйел адамдар денсаулығына дұрыс қарайды, дәрігерлерге жиі тексеріліп тұрады» деген түсінік қалыптасқан. Өйткені қыз-келіншектерде жауапкершілік жоғары, бір жағынан аяғы ауыр кезде ұдайы дәрігерлер бақылауында болып, тексеріліп жатады. Әйтсе де бала босанатын жастан асып кеткендер мен жас қыздардың денсаулығы қалай екен?
Медицина • 27 Қазан, 2021
Әр бесінші науқас дәрігерге дерті асқынғанда келеді
Бүгінде Алматының онкологиялық орталығында 27 мыңнан астам науқас есепте тұр. Бірақ бұл көрсеткіштің жыл сайын өсіп жатқанынан шошынудың қажеті жоқ. Яғни қатерлі ісікпен сырқаттанғандарды дер кезінде анықтау ісі жақсарып келеді және уақтылы тағайындалған ем-дом пациенттердің өмірін ұзарта алады.
Коронавирус • 24 Қазан, 2021
Індет жұқтырғандардың жүйкесі сыр береді
Осы уақытқа дейін елімізде 928 211 адам індетке шалдығып, 12 мыңдай адам көз жұмған екен. Әрине, бұл – ресми дерек, шын мәнінде КВИ жұқтырғандар саны мұнан да көп және өз бетінше үйінде ем-дом қабылдады деген долбар айтуға дәлел мен дәйек аз емес.
Білім • 20 Қазан, 2021
ҚазҰУ: Алты айда ауқымды іс атқарылды
Жаһандану үдерісі күшіне мініп келе жатқан кезеңде жастардың көңілін ала-құла, елжандылықтан ада, шетелшіл болуға ықпал ететін жағдаяттардың бар екеніне көзді жұма беруге болмайды. Осы тұрғыдан келгенде байырғы білім ордасы – Әл-Фараби атындағы Қазақ ұлттық университеті стратегиялық тұрғыдан жаңғырып жатыр.
Медицина • 17 Қазан, 2021
Буын ауыстыру операциясы медициналық сақтандыру есебінен жасалады
Бұдан былай кез келгеннің жасата салуға шамасы келе бермейтін буын алмастыру операциялары Алматыда медициналық сақтандыру есебінен жүзеге аспақ. Жуырда қала дәрігерлері 90 жастағы пациенттің жамбас буынын алмастырды. Операция міндетті әлеуметтік медициналық сақтандыру есебінен жасалған еді.
Экономика • 14 Қазан, 2021
Отбасы банк бәсекесіз «онлайн базарын» іске қосты
Цифрлы технологиялар біздің өмірімізді айтарлықтай өзгерткенін байқайсыздар ма? Елімізде финтех секторы ілгерілеп келеді. Бір сөзбен айтқанда, бұл ипотеканың онлайн форматқа көшуі. Бұрын клиенттердің өз аяғымен барып, банк бөлімшесіне кезекке тұрып жасауы тиіс шаруаның көбін енді жасанды интеллект атқара бастады. Бастысы, клиент өзінің сәйкестігін растауы тиіс. Бұл электронды цифрлы қолтаңба, басқа да идентификация құралдары арқылы жүзеге асатынын баяндар алдында бірнеше жыл бұрын цифрлы технологияларды дамытуға инвестиция салатынын мәлімдеген Отбасы банк осы сөздің үдесінен шыға бастағанын айтқан ләзім.
Аймақтар • 14 Қазан, 2021
Өз өмірлеріне көңілдері тола ма?
Ресми статистикаға сәйкес, бүгінгі таңда Алматыда 14-28 жас аралығында 506 мың жас тұрғын бар. Бірақ мегаполиске білім, жұмыс іздеп ағылған адамдардың, әсіресе, жастардың саны әлдеқайда көп екені анық. Бұл ретте көші-қон деңгейінің жоғары болуына байланысты жыл сайын қалаға 35 мыңға жуық жас келеді және 20 мыңға жуығы кетеді.
Коронавирус • 12 Қазан, 2021
Алматыда індетпен күресу тәсілі өзгереді
Елімізде індетке шалдыққан алғашқы адам Алматыдан анықталғалы бері шаһардың эпидемиялық ахуалы талай өзгергенімен, жаһандық індеттен толық арылған жоқ және әлі де қызыл аймақта қалып отыр. Сондықтан жағдайға бейімделу үшін, КВИ-ға қарсы іс-қимылдың тиімді моделі құрылып, денсаулық сақтау саласындағы тәсілдер толығымен қайта қаралды.
