Білім • 31 Желтоқсан, 2021
Білім және ғылым: Салада қандай өзгерістер бар?
Барлық саланың тірегі – білім мен ғылым. Өйткені кез келген мамандыққа кадр даярлайтын білім жүйесі болса, барлық саланың сапалық өнімділігі мен жалпы дамуын жіті зерттейтін – ғылым. Жыл соңында осы қос саладағы негізгі жаңалықтар мен енгізілген өзгерістерге тоқталдық.
Ғылым • 23 Желтоқсан, 2021
Оқушының қолын ұзартқан мұғалім
4-сыныпта оқитын Мирас бір қолындағы 4 саусағынан айырылған. «Баланың білегі ауырса, ананың жүрегі ауырады» деген. Мирастың анасы бір жарыстан ұтып алған 3D принтерін ұлы оқитын Алматы облысы Жамбыл ауданынының Әсет Бейсеуов атындағы орта мектебінің физика мұғаліміне беріпті. Осылайша қарапайым педагог, тура мағынасында, оқушының қолын ұзартты.
Ғылым • 22 Желтоқсан, 2021
Іргелі ғылымның ізі бар, іздеушісі жоқ
Маңғыстауда мал қырылды. Астанада аяздан газ құбырлары қатып қалды. Қостанайда егіс алқаптарының 20 пайызы күйіп кетті, содан бидайдың қауызы дәнсіз. Не себепті? Енді қайтпек керек? Барлық сұрақтың жауабын, мәселенің мәнісін іргелі ғылымнан ғана біле аламыз. Ал бүгінгі іргелі ғылымның ізі бар да, іздеушісі жоқ секілді...
Ғылым • 12 Желтоқсан, 2021
Медициналық қалдықтарды жоюдың жолын тапты
Қазақстандық ғалымдар медициналық қалдықтарды жоюдың бірегей әдісін ойлап тапты. Отандық ғылыми зерттеушілер әзірлеген қалдықтарды қайта өңдеудің плазмалық технологиясы мен плазмохимиялық реактордың әлем бойынша баламасы жоқ. Бұл туралы Білім және ғылым министрлігі хабарлады.
Елорда • 26 Қараша, 2021
Мектепке Смағұл Сәдуақасұлы есімі берілді
Мемлекет қайраткері Смағұл Сәдуақасұлының есімі жас ұрпақтың жадында қайта жаңғырғандай. Еліміздің бас газетін «Еңбекшіл қазақ» болып тұрған тұста басқарған тұлғаның аты елордадағы №78 мектеп-гимназиясына берілді. Мектеп ұжымы бұл үшін біраз кедергіден өтіп, тер төккен көрінеді.
Аймақтар • 19 Қараша, 2021
Қызылорда облысында үш өндіріс орны іске қосылады
Тәуелсіздік жылдарынан бері Қызылорда облысының экономикасына 4 трлн теңгеден аса инвестиция тартылған. 1991 жылдан бері 8 млн шаршы метрге жуық тұрғын үй пайдалануға берілді. 30 жыл ішінде 500 мыңнан аса бала дүниеге келіп, халықтың өмір сүру ұзақтығы 8 жылға артқан. Тұрғындардың 97 пайызы орталықтандырылған ауыз сумен қамтылды. Осындай көрсеткіштерге қарамастан, өңірде әлі де түйіні тарқатылмаған түйткілдер бар.
Ғылым • 18 Қараша, 2021
«Үздік ғылыми қызметкер» 6 млн теңге алады
Қазақстанның 50 үздік ғалымы 6 млн теңгеден алады. Ақшалай сыйақылар «Үздік ғылыми қызметкер» республикалық байқауының жеңімпаздарына беріледі. Бұл – ғалымдарды қолдауға бағытталған алғашқы ауқымды сыйақы. Өтінім қабылдау 15 қарашада басталып, 15 желтоқсанда аяқталады.
Білім • 16 Қараша, 2021
Қазақстандық оқушылар Әл-Ферғани атындағы физика пәні бойынша бірінші халықаралық олимпиадада 11 медаль жеңіп алды. Ұлттық құраманың қоржынында 2 алтын, 6 күміс және 3 қола медаль бар.
Білім • 15 Қараша, 2021
Педагогтердің біліктілігін көтеруге не кедергі?
Білім беру барлық басқа саланың көш басында тұруы тиіс. Себебі кез келген кадр білім алу арқылы қалыптасады, даярланады. Мұндайда әлбетте әр маманға берілетін білімнің «іргетасы» берік болуы керек. Білімнің негізгі іргетасы мектепте, маман ретінде дайындайтын оқу орнында қаланады. Демек, педагогтер заманның сұранысына сай, қоғамға қажетті дағдыларды игерген түлектерді шығару үшін үнемі өзін дамытып отырғаны абзал. Осыған орай Мемлекет басшысы Қасым-Жомарт Тоқаев енді 3 жыл сайын мұғалімдерді біліктілігін арттыру курсынан өткізуді тапсырды.
Ғылым • 12 Қараша, 2021
3D принтермен үй салып, тісті тез түземек
Ғылымның ғаламат күшін көре білген елдің бәрі дәл осы салаға инвестицияны аямай салып келеді. Соның нәтижесінде дамушы елдер ішінен суырылып, жарты ғасырға жетпей дамыған елдердің қатарына қосылған мемлекеттер бар. Солардың ізімен жүреміз десек, бізде өнертабыстар да, өндіріске енгізуге сұранып тұрған ғылыми зерттеулердің нәтижесі де, тынымсыз еңбек етіп жүрген ғалымдар да жетерлік.
