Ауыл • 05 Қыркүйек, 2024
Білім күні Маңғыстау облысындағы Бекі ауылының тұрғындары көл-көсір қуанышқа кенелді. Өйткені бүгінге дейін 1995 жылы кеңшар клубында ашылған бастауыш мектеп ауылдың талай баласын бастауыш біліммен сусындатып келген еді. Сондықтан ауыл тұрғындарының толыққанды мектеп сұраған өтініші биыл жүзеге асып отыр.
Байқау • 04 Қыркүйек, 2024
Қазақстан халықтарының тілдер мерекесіне орай, Маңғыстауда бірқатар іс-шара жоспарланған. Соның бірі – «Тілдарын» полиглоттар байқауы. Ақтау қалалық ішкі саясат және тілдерді дамыту бөлімінің мемлекеттік әлеуметтік тапсырысы аясында ұйымдастырылған байқаудың мақсаты – қазақ, орыс, ағылшын тілдерін жетік меңгерген қабілетті жастарды анықтап, қолдау көрсету, көп тілді меңгергендерді өзгелерге үлгі ету. 15 және 30 жас аралығындағы жастар қатысатын сайыс көп тіл білетін нағыз жүйріктерді анықтайтын болады.
Жоба • 03 Қыркүйек, 2024
Маңғыстау облысында 50 тірек мектебін бекітіп, еліміздің жетекші мектептерімен ынтымақтаса отырып, кешенді әдістемелік қолдау тетіктері арқылы білім сапасын арттыру мақсатында тұңғыш рет «Отпан» жобасы іске асырылып жатыр.
Аймақтар • 28 Тамыз, 2024
Маңғыстаудың дамуын әртараптандыру – бүгінгінің басты талабы. Тек мұнайға сүйенбей, жаңа жұмыс орындарын ашу, экономиканы арттыру мақсатында Hyrasia Energy компаниясы (Svevind Energy GmbH еншілес компаниясы) Маңғыстау облысында «жасыл» сутегі өндіретін зауыт салу жобасын іске асырады. Жаңа зауытқа маман даярлау үшін 2023 жылғы қыркүйекте Yessenov University базасында Қазақ-неміс тұрақты инженерия институты ашылды.
Қоғам • 22 Тамыз, 2024
Маңғыстау ауданындағы Тиген, Тасмұрын ауылдарының жері – мал баққан шаруаға, егін еккен бағбанға қолайлы өңір. Тұрғындардың басым көбі тұрмыс қамымен орталыққа көшкенмен, шаруашылығын жүргізіп отыр. Мал басын арттырып, табысын еселеп отырған отбасылар аз емес. Шағын ауылдың өзекті мәселесі де жеткілікті. Әсіресе ауылға газ тарту тұрғындар тарапынан ұзақ жыл бойы айтылып жүрген болатын.
Аймақтар • 09 Тамыз, 2024
Мақсат – Ақтауды айшықтай түсу
Мемлекет басшысы Қасым-Жомарт Тоқаев Ақтау қаласының бас жоспарын қайта қарауды және жағажай туризмін дамытуды тапсырған еді. Оның үстіне былтыр Әзербайжанның Шуша қаласында өткен Халықаралық ТҮРКСОЙ ұйымына мүше мемлекеттер отырысында мәдениет министрлері шешімімен Ақтау қаласы 2025 жылғы Түркі әлемінің мәдени астанасы атанды. Бұл мәртебе теңіз жағасындағы жалғыз қала үшін даму мен көркеюді жаңғыртуды қажет етеді.
Қоғам • 02 Тамыз, 2024
Маңғыстау ауданының бірқатар аулы мен аудан орталығы Шетпе аулының кейбір шағын аудандарындағы шетін мәселе – ауызсу. Нақты айтсақ, аудан орталығынан шалғайдағы Тұщықұдық, Шебір ауылдарының тұрғындары іргесіндегі Көңдіқұдық жерасты суына қол жеткізе алмай келген еді. Бұл мәселе ауданның экономикалық-әлеуметтік мәселелерін шешіп, әлеуетін көтеретін «Маңғыстау ауданы серпіні» жобасынан тыс қалған жоқ.
Экономика • 31 Шілде, 2024
Өндіріске қажетті жабдықтарды өңірдің өзінде өндіру бастамасы – құптауға тұрарлық қадам. «ҚазМұнайГаз» компаниясының Жаңаөзенде бастаған зауыт құрылысы жаңа жұмыс орындарын құрып қана қоймай, жергілікті бюджетке түсетін түсімдерді ұлғайтып, өңір экономикасын әртараптандыруға ықпал етпек.
Экономика • 19 Шілде, 2024
Маңызды нысанға кешенді қолдау қажет
Маңғыстау атом энергетика комбинатының (МАЭК) қызметкерлері өз кәсіпорнын «Маңғыстаудың жүрегі» дейді. Бұл – бұлтартпас ақиқат. МАЭК өңір халқын сумен һәм жылумен үздіксіз қамтамасыз етіп келеді. Алайда кейінгі жылдары Ақтауда, кейбір ауылдарда су мәселесі ушыға түсті. Техникалық және ауызсу тапшылығы туындап, тұрғындар «судың кестемен берілгеніне де шүкір» дейтін күнге жетті.
Экономика • 18 Шілде, 2024
Жерасты суын өңдеп, ыдыстарға құйып сатылымға шығару қос тарапқа да пайдалы: кәсіпкер үшін – табыс көзі, тұтынушы үшін –құнарлы, таза ауызсу. Маңғыстау ауданының Тұщыбек аулында іске қосылған су құтылау цехы аталған аймақтағы жерасты суын халық игілігіне ұсынбақ.
