Әйел әлемі • 08 Наурыз, 2024
Генерал және лампас – лауазым-шеннің биігінде жарқыраған алмас. Қазақстан тарихында бұрын-соңды белдемше киген генерал болмаған. Алдаспан ердің сойына ғана жарасқан генерал шенін қызмет сатысымен өрлегендердің ішінде ірілігі екшелген ілуде біреудің болмаса жаратылысы нәзік әйелдер қауымы арасынан жарып шығып, уысында ұстап, ұлықталғаны жоқ еді. Қақпасы тарс бекітулі, қойнауы жұмбақ бұл әлем әйелге келгенде ашылмайтын. Қоғамда қалыптасқан сірескен сең секілді түсінік, шамасы, он жыл бұрын шытынап түсіп, күл болды.
Экономика • 01 Наурыз, 2024
Микробизнесті дамытуға – 50 миллион доллар
KMF пен Жапония Халықаралық ынтымақтастық агенттігі осындай шешім қабылдады.
Көрме • 29 Ақпан, 2024
Ә.Қастеев атындағы Мемлекеттік өнер музейінде талантты мүсінші Данияр Сарбасов ERKINDIK атты алғашқы жеке шығармашылық көрмесін көпшілік назарына ұсынды. Көрменің атауы суретші үшін шығармашылық еркіндіктің, ой еркіндігінің маңыздылығын көрсететін терең мазмұнға ие. Сондай-ақ көрме атауына негіз болған «Еркіндік» мүсінінде бір арнаға тоғысқан тұлпар мен бүркіттің біртұтас бейнесі еркін қалықтап, осы сезімді ұғынуға жетелейді.
Театр • 28 Ақпан, 2024
Қуыршақ театрында – Бекзат бейнесі
Алматыдағы қуыршақ театры спорт тарихында өшпес із қалдырған ұлт мақтанышы, Сидней Олимпиадасының жеңімпазы Бекзат Саттарханның бейнесін кішкентай көрермендерге «Чемпион» атты жаңа қойылыммен таныстырды. Алғаш рет сахналанып отырған чемпион туралы туынды Бекзаттың дүниеге келуінен бастап, оның Олимпиада жүлдегері атануына дейінгі тұтас ғұмырын жігерлі баяндайды.
Театр • 22 Ақпан, 2024
Әлемді билеген қолбасшылар мен әміршілер туралы жазылған өнер шығармасы ешқашан жерде қалмайды. Шыңғыс хан қылышын ұстап, сахнаға шықса, көрерменді де елең еткізетінін режиссер жақсы біледі. Себебі әміршілерді арқау еткен пьесада ел мен жердің өзекті мәселесін еркін әңгімелеудің мүмкіндігі мол. Бұл – қызық тақырып. Сегіз жүз жыл бұрын мәмлүктердің арасынан суырылып шығып сұлтан болған Бейбарыстың да даңқ-дақпырты ұлы қағандардан кем емес. Мысыр елін жүйелі басқарған, даңқы жер жарған ұлы тұлға мұсылман баласының басын біріктіріп, үлкен жеңістерге жетелегені күні бүгінге дейін халық аузында аңыз болып тұр. Түркі текті Бейбарыс сұлтан туралы көркем шығармалардың жыл сайын жаңа интерпретациямен толығуы – театр режиссурасы үшін драматургиялық айрықша ізденіс.
Тұлға • 20 Ақпан, 2024
Тұлғаларды тұғырына қондырған мүсінші Бақытжан Әбішевтің мұрасын әспеттей алып отырмыз ба?
Өнерде жүрген екі адамның бірін-бірі қапысыз тауып, отау құрып, жан дүниесін де, махаббатын да шығармашылық дәнекерлеп тастағандай, шаңырағы бөлінбей, бүтін күйінде ел қызығатын танымал отбасына айналуы сирек бұйыратын тағдыр сыйы. Тасты қашап, тіл бітіріп, тарихи марғасқаларды тұғырына қондырған мүсінші мен театрға келген көрерменге күйбең тірлікті ұмыттырып, ізгілік әлеміне жетелейтін актрисаның бір шаңырақ астында бас құрауы өнер өлкесінің жарысып қатар аққан қос бұрым өзеніндей тым жарасымды қабылданады. Шығармашылықтың жалғыздығы мен азабына шыдап, шыбық кезінен осы ортада шынығып өскен екеуінің махаббаты мен отбасылық өмірі өнердің қара қазанында қырық жыл бойы шымырлап бірге қайнады. «Екі қошқардың басы...» деген қазақы тәмсіл талантты екі жасқа келгенде жүзі кетіліп жүрмеді, керісінше, шыңылтыр аязда жүрегінің шоғымен жылытып, шіліңгір ыстықта шынар талдың саясы болып, бірін-бірі аялап, биікке бірге самғады.
Кино • 19 Ақпан, 2024
Есімін мәңгілік мұра етіп иеленген, тоқсан жылдық тарихы бар «Қазақфильм» киностудиясы ұлттық кино өнерінің қалыптасып-дамуына айрықша ықпал еткен аса дарынды суреткер, режиссер Шәкен Аймановтың 110 жылдық мерейтойына айрықша маңыз берді. Қазақ киносының қара шаңырағы «Қазақфильм» ұлы режиссердің есімін тектен-тек иеленген жоқ. Киностудия – Аймановтың туындысы, шығармашылығы, еңбегі, шәкірттеріне, ізбасарларына, көрермендеріне қалдырған аманаты. Режиссердің ұрпағына қалдырған мұрасына қиянат жасамай, ілгері өркендету – бүгінгі киногерлер қауымының парызы.
Пікір • 13 Ақпан, 2024
Маркстің «Адамды адам еткен – еңбек» тұжырымдамасына күліп қарайтын жаңа буын пайда болғалы телегей табысқа жетудің бір кепілі: «Мұратқа тек білім мен технология арқылы қол жеткізе алады» қағидасы омыраулап алға озып шықты. Өткен ғасырларда зауыт пен фабриканың өнеркәсіптен мануфактураны ығыстырып шығарғаны сияқты күнделікті жасап жүрген үй тіршілігіндегі қарапайым шаруаны технология жетістігі алмастыра бастағалы екі білекті түріп тастап жасайтын үйдегі қол еңбегі де екінші орынға өз-өзінен сырғып барады.
Мирас • 12 Ақпан, 2024
Дәстүрі мен салтының киесіне айналып, қазақ әйелі қадірлеп басына салған ақ орамалдың әдебі терең, қасиеті мол. Салмағы жеңіл болғанымен, құны қымбат, шаршысы шектеулі келгенімен, жолы үлкен, пәле мен жаладан қорған болар ақ орамал ата салтында отбасының алтын байрағы саналған. Ана екенін, айнымас жары, адал ниетпен аттаған шаңырағы бар екенін аңғартатын орамал атойлап келген жаудың да бетін қайтарып, бір атауы «жаулық» болып желбіреген.
Қоғам • 04 Ақпан, 2024
Әр үйдің төрінде тұратын желідегі радио архаизмге айналып, тұрақты тыңдаушысынан ажырағалы бүгінгі интернет иіріміне батқан кей балаға радио дегеніңіз «машинадағы музыка» есебінде қабылданады. Радиохабарын арнайы тыңдамайтын телефонға тәуелді ұрпақтың бұл қылығы кешірімді секілді мән бергіміз келмейді-ақ. Бірақ ақпарат тарататын құралдар арасында жан жадырататын көңіл хошын сыйлай отырып, оқиға ортасында жүріп, тәулік жаңалығын жылдам жеткізіп беретін радионың маңызы бұдан төмендеп қалмайды. Бала түгілі үлкеннің өзі радио құралына темір тұлпарын тізгіндеп жол үстінде сапарлап жүрген кезінде ғана көбірек құлақ төсеп тыңдайтыны өтірік пе?
