Медицина • 09 Қаңтар, 2023
Электромагниттік сәуленің зияны
Балаларды электромагниттік өрістердің зиянды әсерінен қорғау – әркімнің міндеті. Әсіресе, мектеп қабырғасындағы оқушыларды әртүрлі жарықтан сақтау қажет. Неге десеңіз, қалыптасып келе жатқан тұлғаға электромагниттік сәулелер кері әсер етуі мүмкін. Мәселен, Жетісуда 34 білім беру нысанында электромагниттік өріс көрсеткіштерінің артуы анықталған. Бұл көрсеткіш – білім ордаларына үлкен сын.
Экономика • 09 Қаңтар, 2023
Өзара ынтымақтастық – экономика алғышарты
ҚХР Шыңжаң ұйғыр автономиялық республикасының арнайы делегациясы Жетісу облысымен әріптестік меморандумға қол қойды. Құрметті қонақтарға арналған дөңгелек үстел отырысын жүргізген облыс әкімі Бейбіт Исабаев екі елдің арасын біріктірген экономикалық, мәдени, рухани байланыстарды таныстырып, Жетісу жерінің жетістігін алға тартты.
Аймақтар • 06 Қаңтар, 2023
Панфилов ауданында 3 жаңа нысан пайдалануға берілді. Атап айтсақ, 110 орынды модульді мектеп, 284 орынды балабақша, 50 адамға арналған спортзал елге есігін ашты. Жаңа нысандардың іске қосылуы нәтижесінде 75 жаңа жұмыс орны ашылды.
Аймақтар • 06 Қаңтар, 2023
Тамшылатып суару әдісі – ең алдымен судың ысырабын азайтудың, екіншіден өнім көлемін арттырудың бірден-бір жолы. Егін шаруасымен айналысатын кәсіп иелері осы тәсілдің пайдасын жақсы түйсінеді. Әйтсе де, суару машиналарына шамалары жете бермейді. Осы ретте Жетісуда жаңбырлатып суару қондырғыларын шығаратын кәсіпорын ашылмақ. Оның құны сырттағы бағамен салыстырғанда екі есе төмен. Қазір осы мақсатта Түркиядан келген инвесторлармен іскерлік келіссөздер жүргізіліп жатыр.
Қоғам • 04 Қаңтар, 2023
Жиырма алты жылдан кейінгі қауышу
Жазмыш дейтін бір шырғалаң, тағдырыңыз қандай қиыншылық дайындап тұрғаны белгісіз. Біздіңше, тірі жүріп туған жеріне жете алмаудан ауыр қасірет жоқ. Бүгін сондай бір оқиғадан сыр тартпақпыз. Жоғалған қырғыз елінің азаматы 26 жылдан соң Талдықорғаннан табылды.
Руханият • 27 Желтоқсан, 2022
Деректер қазақ қарпінде «сөйлейді»
Байырғы Ақмола, Атбасар уездері тарихына қатысты деректер жетерлік. Әйтсе де, бұл – әлі жүйелі зерттелмеген мәселелердің бірі. Мұның ең басты себебі – құжаттар төте жазумен жазылған. Бүгінде төте жазуды оқитын адам некен-саяқ. Осы орайда Астана қаласының мемлекеттік архиві сақталған құжаттарды қазақ әрпіне көшіру үшін арабтанушылармен бірлесіп жұмыс істеп жатыр.
Оқиға • 21 Желтоқсан, 2022
«Бай-қуатты болайық» деп халқының жүрегіне жол салған жампоз журналист Нұртілеу Иманғалиұлын білмейтін қазақ жоқ шығар! Ақпарат саласының қара нарына айналған бірегей тұлға көзі тірісінде ел руханиятына сүбелі үлес қосып, ұлт тележурналистикасының қалыптасуына бар қажыр-қайратын жұмсады.
Медицина • 19 Желтоқсан, 2022
Жанға батқан ауру дәрігер тапшылығын көрсетіп тұр
Жаһандық індеттен ел енді ес жиғандай. Әйтсе де медицина саласын әлі де әбігерге салуда. Мәселен, Жетісу облысында дәрігер тапшылығы қатты біліне бастады. Қазір өңірге 202 маман қажет. Ол мамандардың 157-сін қаладағы емханалар күтіп отырса, қалғанына ауылдағы ағайын кіріптар. Бүгінде облыста жастар арасында әртүрлі ауру дендеп барады. Оның алдын алатын ақжелеңді абзал мамандар аз.
Оқиға • 16 Желтоқсан, 2022
Қазақтың қай қасіретін айтып тауысасыз. Өткенге көз салсаңыз, өзегіңіз өртенеді, жанарыңыз жасаурайды. Бізді желтоқсан желі әлі де жауратады. Тәуелсіздік құсы төбемізге келіп айнала ұшқанда, оған алақан тосқан боздақтардың қанды ғұмыры кімнің мойнында? Біздіңше, уақыт әлі өз бағасын берген жоқ. Ұлт үшін ұран көтерген балауса қыз-жігіттердің ерлігі жүрек төрінде тұр. Соның бірі – Ербол Сыпатаев. Қыршын кеткен азаматтың есімі қазақ тарихына алтын әріппен жазылары анық.
Экономика • 16 Желтоқсан, 2022
Ел экономикасының дамуына «Қорғас-Шығыс қақпасы» арнайы экономикалық аймағындағы «Қазақстан-Қытай халықаралық өнеркәсіптік қаласы» жобасының маңызы зор. Осы ретте Жетісу облысының әкімі Бейбіт Исабаев инвесторлармен онлайн режімде кездесті. Бұған дейін қараша айында өткен жиында қол жеткізілген келісімге сәйкес тараптар ұзақ мерзімді ынтымақтастықты жүзеге асыру туралы меморандумға қол қойды.
