Сұхбат • 16 Қыркүйек, 2021
Рухани кемелденудің қайнары – Көркемөнер
Бейнелеу өнері – құмырсқаның илеуіндей шым-шытырық, қат-қабат, тарамыс-тарамыс, суретшінің өзі де адасып қалатын қызық та қияметті қан базар. Онда кім жоқ дейсіз, таңғажайып таулар да, тақыр төбелер де, «өнер – халықтікі» деп өңмеңдегендер де, қыл қаламын қан мен сүтке қатар малған жанкештілер де табылады. Сол керуен-керуен жолда шоқтығы биік, даңқты суретші Камиль Муллашевтың есімі елге етене таныс. Астанадағы шеберханасына арнайы іздеп барғанымызда алдымыздан алқалап шыққан сұңғыла суретшімен сүбелі сұхбат өрбіткен едік. Қазіргі көркемөнердің халі мен жас суретшілердің жай-күйі тұрғысында тереңнен толғанған қылқалам шебері бізге көкейдегі күрсінісін ақтарды.
Әдебиет • 16 Қыркүйек, 2021
Ең ауыр жалғыздық – көп ішіндегі жалғыздық. Суретші Пол Гогеннің «Арлестегі түнгі кафе» картинасы туралы әңгіме өрбіткенімізде, мұнда досы Ван Гогтың да ізі жатқанын айтқанбыз. Вокзал кафесі – жалғыздық кафесі. Жетім көңілін жетелеп келген, арманынан адасқан жолаушылардың мекені. Тағы да жалғыздық бояуы, енді Винсент Ван Гогтың көзімен.
Өнер • 14 Қыркүйек, 2021
Көзден кеткен, көңілде көмескіленген картиналар қалың альбомның қай парағын ашсаңыз да мұнтаздай өнердің мөлдір келбетін, мінсіз мүсінін еске салуға құштар. Жанарыңыз қабызданып, жаныңыз елегізіп, классик қылқалам иелерімен бір үстел басында отырғандай боласыз. Қараңызшы, бір түсті бояулар, әртүрлі тағдырлар. О, неткен құдірет, о, неткен қасірет! Ауық-ауық сізді де алысқа тартады…
• 29 Тамыз, 2021
Нұр-Сұлтан қаласының мемлекеттік архиві Семей ядролық полигоны жабылуының 30 жылдығына орай виртуалды көрме ұсынды.
Әлем • 25 Тамыз, 2021
Зәре мен дәме немесе үміт пен үрей. Осы екі сөздің қайсыбірін алдына шығарсақ та бір-бірінен ажырағысы келмейтіндей. Жас қыздың жанарына қоныстанған жалған ғұмырдың жалқы сәулесі жан дүниеңді езіп жібереді. Неткен ауыр қасірет десеңізші! Тіршіліктің теңізіне батып кетпеу үшін арпалысқа түскен адамның шарасыздығынан терең шыңырау бар ма? Сәл аяңдасаңыз, көлеңкеңіз қуып жетеді. Сіз ажал алдындағы адамның қарашығына үңілдіңіз бе? Оған өмірдің мөлт еткен мағынасы тамып түскендей.
Сұхбат • 23 Тамыз, 2021
Ән өмірімді түбегейлі өзгертті
Осыдан бір ай бұрын Рухияны көпшілік танымайтын-ды. Тіпті өнерге іңкәр қыздың талантын тамыршыдай тап басуға уақыт ыңғай бермеген. Ал қазір бәрі басқаша. Арманы асқақ жас өреннің жұлдызы оңынан туды. О баста солай болуға тиіс те еді. Жұрт сүйінді, әлем таңдай қақты.
Әдебиет • 19 Тамыз, 2021
Қызық, түк те қызық емес! Өзі жұмбақ дүние, оны шеше алмай біз де жұмбақ болып барамыз. Қазақ әлсіздігін жеңу үшін Махамбетті оқу керек деседі. Сол рас па екен!? Өлеңді қалам емес, өмірдің өзі жазады. Пенденің тағдырына Тәңірдің қатысы болса, біз неге қателесе береміз? Сосын әлбетте Құдайдан кешірім сұраймыз. Бәрін біле тұрып… Миллениум ішіндегі миллион мағынасыздық… Мазмұнсыз ғұмырдың іш пыстырар мінезінен мезі болған жоқсыз ба? Сіз?
Руханият • 12 Тамыз, 2021
Біздің қазақы түсініктен таған тартсаңыз тап осы туындыға былай анықтама берер едіңіз. «Адамның басы – Алланың добы». Бұдан артық тәмсіл таппасыңыз тағы аян. Ал мүсінші Томас Лерой олай ойламайды. Кешіріп қойыңыз, ең ауыр дерт – сана дерті. Салмақтап көріңізші, ойдан терең шыңырау бар ма, осы? Бір құласаңыз, қайтып шығуыңыз екіталай. Білесіз бе, біз көтерген ең ауыр жүк – біздің басымыздағы ақыл. Қалғаны күйбең тіршіліктің күйкілі ғана.
Тарих • 11 Тамыз, 2021
Испандықтар әркім жәрмеңкені өзінің тапқан затына қарап бағалайды деседі. Жөн сөз! Біздің тарих базарынан тапқан қазынамыз санаулы болса да, салмағы ауыр. Сондықтан көсіле сөйлеуге болады. Ақын Қадыр Мырза Әлі айтпақшы: «Біздің тарих бұл да бір қалың тарих, оқулығы жұп-жұқа бірақтағы». Сол парағы жұқа оқулықта бабалар аманатын арқалаған құндылық бар. Жерден табылған ескі бұйымның естелігі – ел руханиятының азығы. Мәселен, ғұрыптық шамдалды алып қараңызшы!
Өнер • 10 Тамыз, 2021
Ғұмыры ізгілікке толы жандардың өмірпарағына үңілген қандай ғажап. Еске алған сайын, көңілің елегізіп, кеудеңе қанат біткендей болады. Осындай тау тұлғалардың ортамызда болғаны жанға сая, рухқа медет еді. Әттең... Ұлы уақыттың өз жоспары бар. Қарабауыр қоғамда жақсы адамдарға, әсіресе, өнермен қанаттас таланттарға қазақ сахнасы шөлдеп тұратыны жасырын емес. Тәңірі берген қасиеттің қадірін біліп, қылтасын қақпанға қидырса да қыңқ демей, ұлт руханияты үшін рухын қайраған жандардың қай-қайсысы да ыстық. Бүгін сондай жарқын бейнелердің бірі, тірісінде театр тарланына айналған Өмірсерік Қалиұлы жайында сөз қаузамақпыз.
