Өнер • 04 Маусым, 2021
Адам – өз өмірінің суретшісі. Құдайға күпірлік етудің қажеті жоқ. Сен қаншалықты қанатыңды биік қағасың, соншалықты аспанға жақындай түсесің. Жолыңа жантайған кедергілер уақыт толқыны тудырған дауылдар болуы мүмкін. Сол дүлей дауылдар сенің бағытыңды өзгертсе өзгертсін, бірақ арманыңды өзгертпеуі тиіс. Тағдырыңа теріс қарама! Сен артқа бір қадам шегінген сәтте ізіңнен адасасың. Біз, бәріміз теңіз жағалай Тәңірді іздеген жолаушылармыз. Неге? Не үшін? Оның жауабын бояулар айтсын.
Қоғам • 02 Маусым, 2021
Тарихтың тереңіне үңілген сайын әрбір тас бетінде қалған таңбалар егемендіктің қандай ұлы ұғым екенін айшықтайды. Осынау ұлан-байтақ жерді аманаттап кеткен бабаларымыз соғысып қана қоймай, мәдениетімізді де биік мінбеге көтеріп кетті. Осы ретте Ұлттық музейде Тәуелсіздігіміздің 30 жылдығына орай «Ұлық Ұлыс» залының салтанатты ашылу рәсімі өтті.
Қоғам • 31 Мамыр, 2021
Бұлар өзі өте мәдениетті жігіттер. Бір қарағанда қайырылған қалпағы, қару-жарағы, былғары етігі, көше сотқарларындай көзге оғаш көрінуі мүмкін, бірақ онда сол дәуірдің қолтаңбасы жатыр. Жеке ұлтқа тән жігер, есті ереже, ар алдындағы адалдық заң жүзінде бекіген әдет. Олар түз тағысындай еркін өмірдің емлесін сызған мырзакөңіл жандар. Ковбойлық дегеніңіз сәнді киіне салу емес, ол үлкен өнер. Жалғыздан жалғыз алып бұқамен алысу – өлімге өзің барып соқтыққаныңмен бірдей қарекет емес пе?..
Өнер • 31 Мамыр, 2021
Жақын тартқан адамның құшағы оттай ыстық. Кейде адам жақынына деген махаббаты мен құрметін сол жып-жылы құшағы арқылы жеткізеді. Одан жүрегінен мейірім аңқып тұрған жанның жылуын сезінесің. Сезініп қана қоймай, сол құшақта көңілің балқиды. Бұл өмірде саған қол созып, құшақ жайған жан болса, онда сенің әлемің мейірімге толы.
Қоғам • 31 Мамыр, 2021
Ауыл өмірі әсте қызық. Әсіресе мәдениет саласы. Кез келген жиын Мәдениет үйінде өтетіндіктен барлық күш мәдениет саласының қызметкерлеріне түседі. Мейлі, ол әлеуметтік һәм экономикалық бағыттағы жиналыс болсын, тағы да орындық тасып, халықты жинап, ән айтып, шапқылап жүретін солар. Неге? Себебі қолжетімді. Тұрғындарды ұйытып әкететін де, әкімнің әуеніне төңкерілетін де, қарттардың көзайымы да сол саланың жауынгерлері. Олар үнемі қарашаның жанынан табылады. Сонысымен елге ыстық.
Елорда • 28 Мамыр, 2021
Тұңғыш Президент – Елбасы музейі ғимаратының жанындағы саябақ аймағы жаңа спорт алаңдарымен және демалыс аймақтарымен толықты.
Өнер • 27 Мамыр, 2021
Бугиваль – Париждің батыс маңындағы шағын аудан ғана емес, импрессионизмнің бесігі. Сол дәуірдегі шығармашыл топты іздесеңіз, бірден бугивальдықтардан сұраңыз. Сізге тарихын тарқатып береді. Иә, XIX ғасыр – ойлы ғасыр. Әсіресе Пьер Огюст Ренуар үшін сәтті жылдардың шеруіне ұласты. Бірақ неге екенін білмеймін, париждіктер үшін осынау кескіндеме Иван Тургеневті еске түсіреді. Себебі сол жылы Францияның астанасында атақты ақын дүниеден озған болатын. Суреттің бір сиқыры сонда болса керек.
Өнер • 27 Мамыр, 2021
Бұл жай қолдар емес, құдайшыл қолдар. Алақанын бір-біріне қабыстырған пенденің Тәңірмен тілдескен сәті. Шынайы сенім. Әйгілі картина ренессанс дәуірінің көрнекті шебері Альбрехт Дюрердің ең танымал туындыларының бірі.
Тәуелсіздік • 27 Мамыр, 2021
Балбырған бейтін күн, тамылжыған тыныштық. Басқа қызықтың бәрін былай қойып, осынау бір тамаша тіршілік үшін тірі болғың келеді. Осы мерейлі сәтті мәңгі сақтап қалу үшін қып-қызыл қан емес, мөп-мөлдір моншақ тер төгуге көңіл құштар. Егер, әлдеқалай тер емес, қан төгу қажет болса, оның өзін осындай шуақты күндердің бетіне сызат түспеуі үшін ғана төгер едік. Заманды адамның, адамды заманның жаңғыртып, құбылтып жатқан шағында азаттықтың ауасымен еркін тыныстап, ертеңгі ғұмырына қуанышпен қарайтын іргесі бекем мемлекетке айналдық. Азаттыққа аңсап жеткен еліміз егемендіктің бесігінде еркін тербелуде. Ендігі бағытымыз жасампаз ұлт ретінде жарық әлемнің жазбасына жаңа тарихымызды енгізу.
Өнер • 26 Мамыр, 2021
Әлемдік көрінбейтін өнер музейі жыл сайын көрермендерге суретшілердің тылсым картиналарын ұсынуымен әйгілі. Олардың мәнін оңайлықпен бағамдай алмайсыз. Тек шебердің туындыға берілген арнайы анықтамасынан кейін ғана тануға болады. Оның ғажабы да сонда. Сондай бір ерекше суретті Эми Дэвидсон есімді оқырман 10 мың долларға сатып алады. Қызығы, кенеп бетіне ақ түстен басқа бояу жағылмаған.
