Қазақстандық спортшы жеңіл атлетикадан Чехияда халықаралық жарысқа қатысты, деп хабарлайды Egemen.kz ҰОК-ке сілтеме жасап.
Қазақстан құрамасының мүшесі Галина Якушева спорттық жүріс бойынша WA Race Walking Tour Gold Meeting додасында бақ сынады.
Отандасымыз 20 км қашықтықты 1:35:44 уақытта бағындырды. Жарыс қорытындысы бойынша ол 17-ші орынға жайғасты.
Айта кетсек, аталған жарыста Мексика спортшысы Ортуно Валерия топ жарды.