Қазақстан мен Өзбекстанның Сенат төрағалары кездесті

Әшімбаевтың айтуынша, қос ел арасындағы достық пен серіктестік берік мемлекетаралық қарым-қатынасқа сүйенеді. Ол бұл байланысты Қазақстан Президенті Қасым-Жомарт Тоқаев пен Өзбекстан Президенті Шавкат Мирзиеевтің өзара түсіністігі мен сеніміне негізделгенін атап өтті. Сондай-ақ Сенат Төрағасы мемлекет басшылары айқындаған уағдаластықтарды жүзеге асыруға Парламент те үлес қосатынын жеткізді.Кездесу барысында алдағы Әлемдік және дәстүрлі діндер көшбасшылары съезіне дайындық та талқыланды. Мәулен Әшімбаев Өзбекстан делегациясының белсенді қатысуына ризашылығын білдірсе, Танзила Нарбаева Қазақстанның өңірдегі бейбітшілік пен тұрақтылықты қамтамасыз етуге қосқан үлесін жоғары бағалады.