Биыл Конституция күні – 30 тамыз сенбіге түседі. Еңбек кодексіне сәйкес, мереке күні демалыс күнінің үстіне түссе, келесі жұмыс күні де демалыс болып саналады, деп хабарлайды Egemen.kz.
Осыған байланысты бес күндік жұмыс аптасы бар қазақстандықтар 30, 31 тамыз және 1 қыркүйекте — үш күн қатарынан демалады. Ал алты күндік жұмыс кестесімен істейтіндер 30 және 31 тамызда ғана демалады.
Ата Заң 1995 жылдың 30 тамызында жалпыхалықтық референдум нәтижесінде қабылданды. Биыл еліміздің Ата заңына 30 жыл толғалы тұр.