«OpenAI» компаниясы «Critterz» атты толықметрлі анимациялық фильмді жасанды интеллект көмегімен әзірлеуге кірісті.
Жоба барысында «GPT-5» секілді нейрожелілер кейіпкерлерді анимациялап, материалдарды өңдейді. Нәтижесінде, әдетте бірнеше жылға созылатын жұмыс небәрі 9 айда бітпек. Фильмнің бюджеті 30 млн доллардан аспайды, бұл Голливудтағы орташа анимациялық жобалардан әлдеқайда арзан. Премьерасы 2026 жылы Канн кинофестивалінде өтеді. Сарапшылардың айтуынша, бұл қадам кино өндірісінің жаңа дәуірін бастауға жол ашпақ.