Абу-Дабиде (БАӘ) Қазақстанның белгілі суретшісі әрі дизайнері Балнұр Асанованың «Уақыт көшпенділері» атты көрмесі өтіп жатыр. Көрме осы айдың 16-сы қазанда басталған, 25 қазанда аяқталады, деп хабарлайды Egemen.kz.
Көрме экспозициясы көшпенді өркениетінің жадына – Ұлы даланың дәстүрлері, рухани құндылықтары мен мәдениетіне арналған. Суретшінің еңбектері өткен мен болашақты байланыстырып, ұрпақтар сабақтастығын паш етеді.
Көрмеде ұсынылатын туындылар:
гобелендер – жаңа кеңістіктік тереңдікті бейнелейді; сурет өнері – жарқын палитра, органикалық пішіндер мен экспрессивті мәнер; керамика – ата-бабалар жадының белгісі; киім коллекциялары – ұлттық өрнекті кесте мен аппликация арқылы көшпенді мәдениетінің заманауи түсіндірмесі.Балнұр Асанова – өнертану кандидаты, «Сымбат» сән академиясының арт-директоры, халықаралық конкурстардың лауреаты. Ол Ресей, Дубай, АҚШ және Қазақстандағы сән апталықтарына қатысып, еңбектері Түркия, Австрия, Египет, Франция, Германия, Нидерланды, Италия, Швеция, АҚШ елдерінде көрмеге қойылған. Сондай-ақ оның туындылары әлемнің жеке коллекцияларында сақтаулы тұр.
Көрме күндері: 16-25 қазан 2025 жыл
Жұмыс уақыты: күн сайын 10:00-17:00
Мекенжай: Etihad Modern Art Gallery, V15, Al Huwelat St. Al Bateen, Абу-Даби, БАӘ / Кіру тегін