Ақмола облысы патрульдік полиция қызметкерлері «Астана - Атбасар - Жақсы» автожолының 25 шақырымында ет өнімдерін заңсыз тасымалдау фактісін анықтады, деп хабарлайды Egemen.kz.
«Газель» маркалы автокөлікті тексеру кезінде тәртіп сақшылары ірі қара малдың төрт басын тапты. Жүргізуші жүктің тиісті ветеринарлық және ілеспе құжаттары жоқ екенін бірден мойындады.
Тағы бір ұқсас жағдай сол бағытта тіркелді. Полиция «Volkswagen Transporter» маркалы минивэнді тоқтатып, оның салонынан қажетті құжатсыз алты бас ірі қараны анықтады.
Оның айтуынша, ет Астана қаласында сатуға арналған.Екі жағдайда да ветеринарлық ілеспе құжаттар болмады, бұл белгіленген талаптарды бұзу болып саналады. Жүргізушілер жақын маңдағы полиция бөліміне жеткізілді, онда учаскелік инспекторлар заңнамаға сәйкес одан әрі шаралар қабылдайды.
Депутат: Ет өнімдерінің экспортына тыйым салуды тоқтату қажет
Полицейлер азаматтардан заңнаманың талаптарын сақтауды сұрап, ет өнімдерін тасымалдау кезінде барлық қажетті құжаттар болуы керек екенін ескертті.
Ет экспортына талап жоғары
Айта кетейік, бұған дейін Қарағанды облысында пәтер тонаумен айналысқан қылмыстық топ ұсталғанын хабарлаған едік.