Ел тәжірибесінің елеулі деңгейі

Еуропа Кеңесімен құрылған GRECO-ға 51 қатысушы мемлекет кіреді және Қазақстан – осы ұйымның толыққанды мүшесі.

Пленарлық отырыста агент­тік төрағасы Дархан Жазық­бай Қазақстанда GRECO ұсыным­дарының іске асырылу барысы, сондай-ақ сыбайлас жемқорлыққа қарсы мәдениетті қалыптастыру, елдегі жүйені дамыту бағытындағы жүргізіліп жатқан кешенді жұмыс жөнінен баяндама жасады.

Агенттік басшысы Президент Қасым-Жомарт Тоқаевтың сыбайлас жемқорлыққа қарсы күресті мемлекеттік саясаттың негізгі басымдықтарының бірі ретінде айқындайтынын атап өтті. Сондай-ақ Мемлекет басшысының бастамасымен жүзеге асырылып жатқан «Халық үніне құлақ асатын мемлекет» тұжырымдамасы аясындағы ауқымды институционалдық өзгерістерге тоқталды. Оған қоса елімізде сыбайлас жемқорлықтың алдын алуға, оған мүлдем төзбеу­шілік пен адалдық қағидаттарын орнықтыруға бағытталған жаңа модельдің кезең-кезеңімен енгізіліп жатқанын жеткізді.

Баяндамада қаржылық тергеу­лерді дамыту, құқық қорғау органдары арасындағы өкілет­тік­терді нақты бөлу, сондай-ақ сы­бай­лас жемқорлық құ­қық бұ­зу­шылықтарды тергеуде маман­дандырылған құры­лым­дардың рөлін күшейту мәселелері де көрініс тапты.

Азаматтардың шешім қабыл­дау үдерісіне қатысу мүмкін­дігін кеңейту, уәкілдер институтын енгізу, қоғамдық кеңестердің әлеуетін арттыру және қоғамдық бақылау тетіктерін заңнамалық тұрғыда бекіту бағытындағы шаралар аталып өтті. Парламент қарауындағы бірқатар заң жобасына да ерекше назар аударылды.

GRECO іс-шарасы аясында Дархан Жазықбай Еуропа Кеңесі­нің Адам құқықтары және құқық үстемдігі жөніндегі Бас дире­к­торы Джанлука Эспозито және GRECO Бюросы мүшесі, Кипр деле­га­ция­сының басшысы Алек­сиа Калис­перамен кездес­ті. Іс-шара кезін­де сыбайлас жем­қор­лыққа қарсы саясатты дамыту, GRECO ұсы­нымдарын орындау ба­ры­сында тиімді тәжірибе алма­су және халықаралық ынтымақ­тас­­тық­ты нығайту мәселелері сөз болды.