Қазақстан халқы Ассамблеясының мәлімдемесі
Мемлекет басшысы өсіп-өркендеген, тәуелсіз, азат Қазақстанды құру мақсатына қол жеткізудің сөзсіз жаңа кезеңі болып табылатын, негізгі мәселелердің барлығын қамтыған мемлекеттік саясаттың стратегиялық бағытын айқындаған «Болашақтың іргесін бірге қалаймыз» атты Жолдауын жариялады.
Жолдауда Қазақстан тәуелсіздік жылдарында ерекше қарқынды даму үлгісін көрсеткені аталып өтті. 2011 жылдың 1 қаңтарының өзінде адам басына шаққанда ІЖӨ көрсеткіші 1994 жылмен салыстырғанда 12 есе өсіп, әр адам басына шаққанда 9 мың долларды құрады, бұл деңгейге жету 2015 жылға жоспарланған болатын. Тәуелсіздіктің алғашқы 20 жылдығында мұндай нәтижеге әлі бірде-бір ел қол жеткізбеген екен.
Мемлекет басшысы үдемелі инновациялық-индустриялық даму бағдарламасы елеулі үлес бере бастағанын және, ең бастысы, экономиканы оның нақты секторының өсімі есебінен терең құрылымдауға бастау болғанын егжей-тегжейлі көрсетіп берді.
Мемлекет басшысының бастамасымен аграрлық секторда ауылдың индустриялық дамуына қуатты серпін беретін етті мал өндірісін дамыту бойынша бұрын болмаған жобаны іске асыру жоспарлануда.
Президент Н.Ә. Назарбаев аймақтық саясаттың жаңа ұстанымын қалыптастыруды ұсынып: «Қуатты бизнес – қуатты мемлекет» қағидасын жариялады.
Жолдауда сыбайлас жемқорлыққа қарсы әлемдік рейтингтегі біздің еліміздің көрсеткішін 45 тармаққа алға жылжытуға және ТМД-да жоғары позицияға шығуына мүмкіндік берген сыбайлас жемқорлықпен күрестің әсерлі нәтижелері аталып өтті.
Ең беделді әлемдік рейтингтерде Қазақстан айтарлықтай алға шықты. Әлемдік банктің 2010 жылғы баяндамасында Қазақстан бизнес мүддесін қорғау жөнінде реформа жүргізу бойынша көшбасшы деп танылды. Қазақстан неғұрлым қолайлы бизнес-климатты елдердің әлемдік рейтингінде әлемнің 183 елінің ішінде 59-орынды иеленді. Бұл – Ұлт Көшбасшысы мен Қазақстан халқының қажырлы еңбегінің әлемдік қоғамдастықпен нақты мойындалуы.
Мемлекет басшысы күн тәртібіне халықтың әл-ауқатын нығайтуға бағытталған әлеуметтік модернизация және жаңа әлеуметтік саясат мәселесін қойды. Білім беруді, денсаулық сақтауды және тілдерді дамытудың маңызды мемлекеттік бағдарламалары қатарына түбегейлі инновациялық бағдарламалар: жаңа жұмыспен қамту стратегиясы, тұрғын үй-коммуналдық шаруашылығын модернизациялау, тұрғындарды сапалы ауыз сумен қамтамасыз ету қосылды. Бұл бағдарламалар әрбір Қазақстан азаматының өмірін тікелей жақсартуды көздейді.
Қазақстан халқы Ассамблеясы Президент Жолдауын Қазақстан халқының әлеуметтік толысуының, оның айнымас ұлттық бірлігінің, қоғамдық келісімі мен толеранттылықты нығайтудың, Ұлт Көшбасшысының айналасына топтасудың, қуатты ұлт қалыптастырудың берік негізі деп санайды.
Жолдаудың тіл саясаты бағытындағы міндеттері қоғамдағы терең өзгерістерді, бейбітшілік пен келісімнің көптілді және көпконфессиялы қоғамдағы сенім, мемлекеттік тіл – қазақ тілін оқуға деген шынайы талпыныс пен сол тілмен аталатын жерге деген сыйластық туғызғанын көрсетеді. Қазақстан халқы Ассамблеясы Нұрсұлтан Әбішұлының әр Қазақстан азаматы үшін үш тілді білу – баянды болашақтың кепілі туралы ойын толығымен қолдайды және іске асыруға күш салады.
Қазақстан халқы Ассамблеясы Ұлт Көшбасшысының 2011 жылды – Тәуелсіздіктің 20 жылдығын «Бейбітшілік пен жасампаздықтың 20 жылы» деп жариялау туралы шешімін қолдайды. Тәуелсіздік жылдары қазақстандық жолдың негізгі құндылықтары қалыптасты, олар – БОСТАНДЫҚ, БІРЛІК, ТҰРАҚТЫЛЫҚ, ӨРКЕНДЕУ. Қазақстан халқының жанына жақын бұл ұғымдар әр азаматтың ішкі жан-дүниесінің, ділінің, өмірлік қағидаттарының өлшеміне айналды.
Бұл ұғымдар, 15 жыл бойы, Нұрсұлтан Әбішұлы Назарбаевтың бастамасымен құрылған Қазақстан халқы Ассамблеясы жұмысының негізгі бағыттары болып келеді.
Біз, Ұлтымыздың Көшбасшысы, Тұңғыш Президент және Тәуелсіз Қазақстанның негізін қалаушы Нұрсұлтан Әбішұлы Назарбаев, халықтың жүрегінен шыққан 2020 жылға дейін Президенттің өкілеттігін ұзарту туралы бастаманы қолдайды деп сенеміз. Бұл бастама бүгін Қазақстан халқын біріктіріп, үлкен қоғамдық қозғалысқа, «Қазақстан – 2020» демократиялық күштер қоғамдық коалициясына айналды.
Тәуелсіз және егемен Қазақстанның жалғыз билік қуаты – халық. Қазақстан халқы өзінің өткені, бүгіні мен болашағын өз Президентімен байланыстырады. Бұл – ақсақалдардың даналығымен және жастардың серпілісімен, аналардың балалары туралы ойларымен және кәсіпкерлердің іскерлік көзқарасымен қабылданған шешім. Бұл қызметтегі Президентті таңдаған еркін және ерікті жалпыхалықтық шешім.
Қазақстан халқы Ассамблеясы «Болашақтың іргесін бірге қалаймыз!» атты Жолдау – халықтың өз Көшбасшысына байланысты қабылдаған шешімін қолдаушы салмақты дәлел екенін нақтылай отырып, барлық Қазақстан азаматтарын бейбітшілік пен тұрақтылық негізінде бас біріктіріп, Президент нақтылаған тапсырмаларды орындауға жұмылуға, бірлігімізді сақтауға және өзіміздің саяси таңдауымызды дұрыс жасауға шақырады.
Бұл барлығымызға және әрқайсымызға, Тәуелсіз Отанымыз – Қазақстан Республикасының дамуы мен өркендеуі үшін қажет.
Қазақстан халқы Ассамблеясының Кеңесі
2011 жылғы 28 қаңтар.
