[caption id="attachment_52584" align="aligncenter" width="700"]
Фото: 112.ua[/caption]
Армения астанасы Ереванда наразылық шарасына қатысқаны үшін полиция қызметкерлері 136 адамды қамауға алды.
«Заң бұзғанына байланысты 136 азамат полиция бөлімшесіне жеткізілді», – делінген хабарламада. Сәрсенбі күні түнде шеруге шыққандар тәртіп сақшыларына тас лақтырып, бүлік шығарған. Ал демонстранттардың айтуынша, жөн-жосықсыз бір адамды қамауға алғаны үшін жағдай ушыққан. Еревандағы жағдай тұрақталғаннан кейін 51 адамның оның арасында 28 тәртіп сақшысы дәрігерлер көмегіне жүгінуіне мәжбүр болған.
Айта кетейік, өткен жексенбі күні, 17 шілдеде қаруланған топ полиция бөлімшесіне басып кіріп, бірнеше адамды кепілдікке алған. Бір адам қаза тауып, алтауы жарақат алған. Кепілдікке алғандардың арасында Армения полиция басшысының орынбасары Вардан Егиазарян мен Ереван полициясы басшысының орынбасары Валерий Осипян болған.
Қаруланғандар қамауда отырған Карабах қақтығысының қатысушысы, радикалды оппозициялық «Жаңа Армения» қоғамдық құтқару фронтының жетекшісі Жирайр Сефилянды босатуды талап еткен.
Осы жылдың 22 маусымында Ереванның Арабкир және Канакер-Зейтун әкімшілік аудандарының соты Жирайр Сефилянды «бір топ адаммен бірге алдын ала келісім бойынша бірнеше қару-жарақ, оқ-дәрі, жарылғыш заттар, сондай-ақ оларды заңсыз сатып алу, сату, сақтау, тасымалдау немесе алып жүру» айыбы бойынша екі айға қамаған. Ал тұтқынның өзі бұл іске қатысты жауап беруден бас тартқан болатын.
Аян ӘБДУӘЛИ
Фото: 112.ua[/caption]
Армения астанасы Ереванда наразылық шарасына қатысқаны үшін полиция қызметкерлері 136 адамды қамауға алды.
«Заң бұзғанына байланысты 136 азамат полиция бөлімшесіне жеткізілді», – делінген хабарламада. Сәрсенбі күні түнде шеруге шыққандар тәртіп сақшыларына тас лақтырып, бүлік шығарған. Ал демонстранттардың айтуынша, жөн-жосықсыз бір адамды қамауға алғаны үшін жағдай ушыққан. Еревандағы жағдай тұрақталғаннан кейін 51 адамның оның арасында 28 тәртіп сақшысы дәрігерлер көмегіне жүгінуіне мәжбүр болған.
Айта кетейік, өткен жексенбі күні, 17 шілдеде қаруланған топ полиция бөлімшесіне басып кіріп, бірнеше адамды кепілдікке алған. Бір адам қаза тауып, алтауы жарақат алған. Кепілдікке алғандардың арасында Армения полиция басшысының орынбасары Вардан Егиазарян мен Ереван полициясы басшысының орынбасары Валерий Осипян болған.
Қаруланғандар қамауда отырған Карабах қақтығысының қатысушысы, радикалды оппозициялық «Жаңа Армения» қоғамдық құтқару фронтының жетекшісі Жирайр Сефилянды босатуды талап еткен.
Осы жылдың 22 маусымында Ереванның Арабкир және Канакер-Зейтун әкімшілік аудандарының соты Жирайр Сефилянды «бір топ адаммен бірге алдын ала келісім бойынша бірнеше қару-жарақ, оқ-дәрі, жарылғыш заттар, сондай-ақ оларды заңсыз сатып алу, сату, сақтау, тасымалдау немесе алып жүру» айыбы бойынша екі айға қамаған. Ал тұтқынның өзі бұл іске қатысты жауап беруден бас тартқан болатын.
Аян ӘБДУӘЛИ
