Бұзылмайтын көлік

неге апатқа ұшырады? Ең қауіпсіз деген «Tesla Motors» көліктерінің өзі апатқа ұшырай бастады. Жақында АҚШ-тың Монтана штатында осымен үшінші апат тіркелгеннен кейін компания өкілдері түсініктеме беруге мәжбүр болды. «Түн іші болғанына қарамастан, жүргізуші көлік рөлін ұстамай, жібере салған. Бұлай жасауға болмайды, жүргізуші қараңғы уақытта және нашар жолдармен жүргенде рөлді ұстап отыруы тиіс. Автопилотты тек кең жолдарда, күндізгі уақытта қолданған жөн. Екіншіден, көлік тізгініндегі қытай азаматы апат алдында басқару жүйесі бірнеше мәрте ескерту жасағанын айтып отыр. Алайда, жүргізуші ағылшынша білмейтіндіктен, оны түсінбеген», деп хабарлады компания өкілдері. «Tesla Motors» биылғы жылы 90 мың электр көлігін сатуды жоспарлаған болатын. Алайда, бірінен кейін бірі болған үш апаттан кейін сатылым төмендеп кетіпті. Bloomberg агенттігінің хабарлауынша, компания жыл соңына дейін 79 мыңнан артық көлік сата алмайды. Айбын АҚПАТША