Премьер-Министр Жамбыл облысындағы қайғылы оқиғаны тергеу барысын жеке бақылауына алды, деп хабарлайды ҚазАқпарат
Бақытжан Сағынтаев Қорғаныс министрі С.Жасұзақов пен Ішкі істер министрі Қ.Қасымовтың Жамбыл облысындағы қайғылы оқиғаға қатысты есептерін тыңдады.
Министр С.Жасұзақов оқиға орнында іздестіру-құтқару жұмыстарын жүргізу бойынша қолға алынған іс-шаралар барысы туралы баяндады. Уәкілетті орган сотқа дейінгі тексеру жұмыстарын бастады. Әскери бөлімде Тараз гарнизонының қызметкерлері жұмыс істеуде.
Премьер-Министр қайғылы оқиғаны тексеруге байланысты Үкімет комиссиясын құруды тапсырды.
Қорғаныс министрі Сәкен Жасұзақовқа оқиға орнына ұшып бару тапсырылды. Тексеру барысын Премьер-Министр өзінің жеке бақылауына алды.
Еске сала кетейік, 17 ақпанда Жамбыл облысындағы Көксай шатқалында өтіп жатқан 91678 әскери бөлімі әскери қызметшілерінің жауынгерлік дайындығы бойынша жоспарлы сабағы барысында күтпеген жерден қар көшкіні түскен. Жауынгерлік дайындық сабағына барлығы 23 адам қатысқан. Қазіргі таңда Жамбыл облысы Көксай шатқалындағы іздестіру-құтқару жұмыстары аяқталды, 7 әскери қызметші қаза тапты.
Соңғы жаңалықтар
Ерұлан Жамаубаев жаңа қызметке тағайындалды
Тағайындау • Бүгін, 08:46
Риддерде банк қызметкері 9 күнде 32 миллион теңгеге жуық қаржыны жымқырған
Аймақтар • Бүгін, 00:21
Елімізде кімдер тісін тегін емдете алады?
Денсаулық • Кеше
Ақтауда мас жүргізушісі балалар мінген көлікке соқтығысты
Аймақтар • Кеше
Құлсарыдан 10 тоннадан астам қоқыс шығарылды
Аймақтар • Кеше
