«Қазақтелеком» «Базалық», «Элитный» және «Премиум» iD TV топтамаларының абоненттері үшін қосымша төлемсіз барлық телеарналарға қолжетімділікті ашу туралы шешім қабылдады. Осылайша, «Базалық» тарифтік жоспарының абоненттері үшін тағы 56 премиалды арна қолжетімді болады.
«Қазақтелеком» АҚ Бөлшек бизнес жөніндегі бас директоры И.Погребицкийдің айтуынша, осы шаралармен компания карантин жағдайында қазақстандықтарға қолдау білдіреді.
«Қазіргі уақытта iD TV қызметінің топтамаларына әртүрлі жанрдағы 170-ке жуық арна енгізілген: 60-тан астамы қазақстандық, 30-ға жуығы фильмдер, танымдық, ойын-сауық, спорттық, балаларға арналған және музыкалық телеарналар. Сондай-ақ, ағымдағы жылы біз торды «ТНТ», «РБК», «Ас HD» сияқты сұранысқа ие арналармен кеңейттік, ал 20 наурыздан бастап, мемлекеттік тілде тағы екі жаңа киноарнаны – «Q Kino Hit» және «Q Kino Alem» қосамыз», - деп атап өтті И. Погребицкий. Осылайша, қосылған тарифтік жоспарға қарамастан, iD TV-ның барлық абоненттеріне 170 арна қолжетімді болады. Акцияның әрекет ету мерзімі әлі шектелмеген.
АЛМАТЫ
