Нұр-Сұлтан мен Алматыда тұрғындар жаһандық желіге қосыла алмай, қиындық туғызғанын айтты. Кейбір азаматтарда мәселе бірнеше минутта шешілді, кейбіреуі ғаламторды әлі қолдана алмай отыр. Қалған өңірлер бойынша ақпарат нақтыланып жатыр.
Интернеттегі ақаулар туралы әлеуметтік желілерде де хабарланды.
«Елордада бірнеше минутқа бүкіл интернет сөндірілді. (...) Бірақ тез қосылды», деді Abishev Analytics Telegram-арнасының авторы.
Айта кетейік, 8 маусымда ірі интернет-ресурстардың жұмысында жаһандық іркіліс тіркелді. Қолданушылар ірі халықаралық БАҚ сайттарына, танымал әлеуметтік желілер мен сервистерге кіре алмағанын хабарлады.
