Сарбаздар бір жыл ішінде әскери мамандықтарды игеріп, жауынгерлік дайындықта жақсы нәтижелерге қол жеткізген. Сондай-ақ, олар оқу-жаттығуларда жоғары жауынгерлік шеберлік көрсеткен.
«Біз бір жылда нағыз батылдық пен ерге тән мінездің сынағынан өттік. Өмірлік ұстанымымызды қайта қарастырдық. Командирлер әрқашан қасымыздан табылып, қолдау көрсетті. Ақыл-кеңесін берді» дейді ефрейтор Руслан Скобцов. Әскери қызметтік міндетін адал атқарып, үлгілі тәртібі, жауынгерлік дайындықтағы жоғары көрсеткіші үшін әскери қызметшілер дипломдармен, алғыс хаттармен және бағалы сыйлықтармен марапатталды. Бірқатар әскери қызметшілерге әскери шен берілді. «Жауынгерлік тумен қоштасқан сарбаздар «Мен қазақпын» әнін шырқап, алаңда саппен жүріп өтті. Олардың арасында Қарулы Күштер қатарында келісімшартпен әскери қызметті жалғастыруға ниет білдіргендер бар», деп хабарлады Атырау гарнизонының баспасөз қызметі.
