Дүниежүзінің 24 құрамасы бақ сынап жатқан әлем біріншілігінде қазақстандық волейболшылар «С» тобында АҚШ, Сербия, Германия, Болгария және Канада өкілдерімен сынға түсіп жатыр. Жерлестеріміз бірінші турда былтырғы Токио Олимпиадасында топ жарған АҚШ құрамасымен кездесіп, 3:0 есебімен жеңіліп қалды. Қазақстандық қыздар алғашқы кезеңде қарсыластарына 16:25 есебімен жол берсе, кейінгі екі сетте 13:25 және 12:25 есебімен ұтылып қалды. Жаһандық додаға осымен бесінші мәрте қатысып жатқан Қазақстан құрамасы кейінгі кездесуін бүгін Германиямен өткізеді. Әлем біріншілігі 15 қазан күні мәресіне жетеді.
