Өзгеше турнир

Жуырда IV алматылық қайырымдылық футбол турнирі мәреге жетті. Оған 19 команда қатысып,  жарыс әділ өтуі үшін білікті төрешілер шақыртылды. Ең бастысы, теңбіл доп жары­сынан түскен барлық қаражат қайырымдылық мақсатқа жұм­салады. Яғни, «ДЦП» ауруымен ауыратын балаларға медициналық құралдар және де медициналық препараттар сатып алынбақ. – Менің ойымша қайырым­дылық турнирде жеңімпаз, ұтылған деген болмайды, тек достық қана болады, – дейді «Алтын Қыран» Қайырымдылық қорының өкілі Тоғжан Тілегенова. Себебі, осынау турнир – бұл қатысушыларға достық қарым-қатынас орнатуға, жаңадан әріптестер тауып, танысуға, саламатты өмір салтына жетелейтін мүмкіндіктер алаңы. – Соңғы жылдары дәстүрге еніп келе жатқан қайырымдылық турнирдің – игілікті бастамалар қатарына қосылғаны қуантады. Және де менің байқағаным, мен қа­тысқан басқа турнирлермен салыстырғанда, бұл жерде ойын­­­шы­лар да жақсы өнер көрсе­тіп, жа­­­рақат өте аз болды, тіпті, ауыр жара­қат болмады, – деді НСК сақтан­­­дыру компаниясының дәрігері. – Бір жағынан, жігіттер осындай қайырымдылық іс-шарасына қатысып, өздерінің үлестерін қосса, екінші жағынан, олар саламатты өмір салтын ұстануда. Әр жыл сайын турнирге жаңа командалар қатысуда. Жүлделі орын алған командалар кубок, ме­даль алса да, бұл жерде ең бас­тысы осы ізгі шараға қатысу деп ойлаймын, – деді «MEGA» коман­дасының капитаны Әлішер Әлиев. Турнирге төрт жылдан бері қатысып, биыл бірінші орын алған Marseille («Қазақстан Халық Банкі») командасының капитаны Дияр Әзбергенов турнирдің жа­рыстан гөрі, қайырымдылық іс-шара екендігіне көңіл бөліп, жиналған қаражат мүгедек бала­лар­ға жұмсалатынына қуанады. Сонымен теңбіл доп тур­­­ни­рін ұйымдастыруға «Бола­шақ» корпоративтік қоры, Қазақ­­­стан­­­­дағы Лондондық эконо­микалық мектебінің қауым­дас­тығы, Қазақ­стандағы Империал колледж қауымдастығы, «Халық­аралық «Алтын Қыран» қайырымдылық қоры «Altyn Kyran» атсалысты. Осы жылы турнирге «RG Brands» компаниясы, «OneCard», «Fi­delity» фитнес-клубы, «НСК» сақ­тандыру компаниясы, Mar­seille­Pub, «Команда Я волонтер» Қо­ғам­дық қоры демеушілік танытқан. Айнаш ЕСАЛИ, «Егемен Қазақстан».  АЛМАТЫ.