Қазақстан • 30 Сәуір, 2024

Қоян-қолтық ұрыстың мықтыларына құрмет көрсетілді

41 рет
көрсетілді
1 мин
оқу үшін

Қорғаныс ведомствосының басшысы генерал-полковник Руслан Жақсылықов қоян-қолтық ұрысынан Мәскеуде өткен әлем кубогында сәтті өнер көрсеткен Арнайы операциялар күштерінің әскери қызметшілерімен кездесті, деп хабарлайды Egemen.kz.

Қоян-қолтық ұрыстың мықтыларына құрмет көрсетілді

ҚР Қарулы күштері Арнайы операциялар күштерінің әскери қызметшілері Қазақстан құрамасының сапында сайысқа шықты. Бұл дүбірлі додаға 27 елден келген қоян-қолтық ұрысының шеберлері екі ереже бойынша бағын сынады.

Әскери қызметшілердің жауынгерлік даярлығындағы қоян-қолтық ұрыстың рөлін атап өткен генерал-полковник Руслан Жақсылықов спортшыларды беделді жарыста абыройлы өнер көрсетуімен құттықтады. 

«Әскери адам үшін спорт кәсіби дайындық тұрғысынан өте маңызды, ал жекпе-жек арнайы күштердің жауынгерін батылдыққа, табандылыққа, төзімділікке тәрбиелейді», деді Қорғаныс министрі.

Ро

Естеріңізге сала кетсек, татамидегі үш күндік жекпе-жектің қорытындысы бойынша «сайыс» ережесінде (ауыр және тұншықтыру әдісімен толық жанасатын жекпе-жек) өз салмақ дәрежесінде 20850 әскери бөлімінің әскери қызметшілері сержант Жандос Мәдихиянов (57 келі) және аға сержант Арнат Нәметов (62 келі) чемпион атанды. 

Қатысушылар «өзін-өзі қорғау» техникасында әртүрлі шабуыл түрлерін көрсетіп, соның ішінде пышақ пен тапаншадан қорғау әдістерін қолданған 32039 әскери бөлімінің әскери қызметшісі майор Нұрдәулет Ержігітов 90 келі салмақта қола жүлдегер атанды.

Ресей астанасы Мәскеуде Қазақстан Қарулы күштерінің абыройын асқақтатқан қоян-қолтық ұрыс шеберлері қорғаныс ведомствосы басшысының қолынан бағалы сыйлықтар алды.