Аймақтар • 11 Мамыр, 2024

Кезекті гуманитарлық көмек

46 рет
көрсетілді
1 мин
оқу үшін

Алматы облысы Қазақстан халқы Ассамблеясының мүшелері, жастар мен еріктілер су басқан өңірлерге гуманитарлық көмектің үшінші партиясын жіберді. Қайырымдылық акциясына облыс басшысы мен өңірдің этномәдени орталықтары өкілдері қатысты.

Кезекті гуманитарлық көмек

Бұл жолы Солтүстік Қазақстан облысының Петропавл қаласына 25 тонна жүк жөнелтілді, оның ішінде құрылыс материалдары-рафтерлер, шифр, шеге, эмульсия, күрек, арбалар және 15 миллион теңге тұратын көбік оқшаулағыш бар.

«Күшіміз бірлікте екенін ел басына түскен сындарлы сәт көрсетіп отыр. Осындай ынтымақ-бірлігіміз барда барлық қиындықты жеңе аламыз. Жалпы, Алматы облысынан бүгінде зардап шеккен өңірлерге 300 тоннадан астам гуманитарлық көмек жіберілді. 171 техника жеткізіліп, 500-ден аса ерікті барып, үлкен судан зардап шеккен өңірлердің тұрғындарына көмек көрсетуге шешім қабылдады», деп атап өтті облыс әкімі Марат Сұлтанғазиев.

Алматы облысы – этностар тығыз қоныстанған аймақтың бірі. Сол тұрғыда бұл табиғат сынағы барлық этностың біртұтас халық болып бірігуінің символына айналды.

«Бүгінгі таңда Ассамблеяның басты міндеттерінің бірі – су басқан өңірлердегі отандастарымызға көмек көрсету. Жағдай түзелмейінше, біз бұл істі жалғастыра береміз», дейді ҚХА мүшесі, облыстық «Сафар» тәжік қоғамдық бірлестігінің төрағасы, облыстық ақсақалдар кеңесінің мүшесі Қарохон Солихов.

 

Алматы облысы