Оқиға • 31 Мамыр, 2024

2026 жылы Қазақстанда Аймақтық климаттық саммит өтеді

43 рет
көрсетілді
1 мин
оқу үшін

Қасым-Жомарт Тоқаев Аймақтық климаттық саммит климаттың өзгеруіне қарсы күресте халықаралық қоғамдастықтың күш-жігерін біріктіруге елеулі үлес қосатынына сенім білдірді, деп жазады Egemen.kz.

2026 жылы Қазақстанда Аймақтық климаттық саммит өтеді

Фото: Ақорда баспасөз қызметі

Президент қоғамда экологиялық мәдениет қалыптастыру және қоршаған ортаға қамқорлықпен қарау сияқты құндылықтарды насихаттау маңызды екенін еске салды.

«БҰҰ аясында 2026 жылы елімізде Аймақтық климаттық саммит өтеді. Саммит климаттың өзгеруіне қарсы күресте халықаралық қоғамдастықтың күш-жігерін біріктіруге елеулі үлес қосатынына сенімдімін. Сонымен бірге қоғамда экологиялық мәдениет қалыптастыру және қоршаған ортаға қамқорлықпен қарау сияқты құндылықтарды насихаттау маңызды. Қазіргі жағдайда экологиялық ойлау қабілеті барлық білім беру және ғылыми бағдарламалардың негізі болуы керек деп санаймын. Табиғат ресурстарына жауапкершілікпен қарау және қоршаған ортаға қамқорлық таныту қоғамдық сананың құрамдас бөлігіне айналуы қажет», деді Мемлекет басшысы отандық ғалымдармен кездесу барысында.